અમદાવાદમાં ચોમાસાનો પ્રારંભ થઈ ચૂક્યો છે. ત્યારે અમદાવાદમાં ચોમાસાનો પ્રથમ વરસાદ પડ્યો છે. અમદાવાદમાં મોડી રાતથી જ ભારે પવનના સુસવાટા વચ્ચે મૂશળધાર વરસાદ વરસ્યો છે.
અમદાવાદના પશ્ચિમ વિસ્તારની વાત કરીએ તો સેટેલાઈ, વેજલપુર, શિવરંજની, ગોતા, ચાંદલોડિયા, ઘાટલોડિયા, બોપલ, શીલજ, થલતેજમાં મોડી રાતથી જ ભારે વરસાદ જોવા મળ્યો. જ્યારે પૂર્વ વિસ્તારની વાત કરીએ તો કાળુપુર, દરિયાપુર, સરખેજ, બાપુનગર, ઈસનપુર, મણીનગર વગેરે વિસ્તારમાં પણ પવનના સુસવાટા વચ્ચે ભારે વરસાદ નોંધાયો છે.
- અમદાવાદ શહેરમાં સરેરાશ 1 ઈંચ વરસાદ નોંધાયો
- શહેરના કયા વિસ્તારમાં કેટલો વરસાદ:
ઓઢવમાં 2.5 ઈંચ વરસાદ
વિરાટનગરમાં 1.5 ઈંચ વરસાદ
ઉસ્માનપુરમાં 1.5 ઈંચ વરસાદ
ચાંદખેડામાં 1 ઈંચ વરસાદ
રાણીપમાં સવા ઈંચ વરસાદ
બોડકદેવમાં 1.5 ઈંચ વરસાદ
ગોતામાં 1.5 ઈંચ વરસાદ
સરખેજમાં 1.5 ઈંચ વરસાદ
દુધેશ્વરમાં 1.5 ઈંચ
મેમ્કો વિસ્તારમાં 1.5 ઈંચ વરસાદ
નરોડામા 1 ઈંચ
કોતરપુર વિસ્તારમાં 1 ઈંચ વરસાદ
મણીનગરમાં પોણા બે ઈંચ વરસાદ
વટવામાં 2 ઈંચ વરસાદ
અનેક વૃક્ષો ધરાશયી:
મહત્વનું છે કે ભારે પવન સાથે વરસાદ પડતા શહેરના અનેક વિસ્તારમાં વૃક્ષો ધરાશયી થયા છે તો કેટલાક ઠેકાણે હોર્ડિંગ્સ પણ પડી જવાની ઘટના સામે આવી છે. બીજી તરફ, ભારે વરસાદના પગલે શહેરના નીંચાણવાળા વિસ્તારની સોસાયટીઓ પાણીમાં ગરકાવ થઈ છે. તો હાટકેશ્વર સર્કલ પાસે પણ વરસાદી પાણી ભરાતા લોકોને હાલાકી પડી રહી છે. થોડા જ વરસાદે મનપાના પ્રિમોનસૂન પ્લાનની પોલ ખોલી નાખી છે.
અમદાવાદ શહેરમાં થોડા જ વરસાદમાં અનેક વૃક્ષો ધરાશાયી થઈ ગયા છે. આને તંત્રની પોલ કહી કે પછી બેદરકારી. વૃક્ષો હલકા કરવામાં ન આવતાં માત્ર થોડા જ વરસાદમાં શહેરમાં 12 જેટલા વૃક્ષો ધરાશાયી થઈ ગયા છે. જેમાં મણિનગરમાં 4 અને જજીસ બંગલો વિસ્તાર પાસે 3 વૃક્ષો ધરાશાયી થઈ ગયા છે. જ્યારે કાલુપુર, જમાલપુર અને વાસણા મળીને કુલ 12 જેટલા વૃક્ષો ધરાશાયી થયા છે.
તો નિર્ણયનગર ગરનાળામાં ઘૂંટણસમા પાણી ભરાઈ જતાં લોકોને ભારે હાલાકીનો સામનો કરવાનો વારો આવ્યો હતો. પાણી ભરાઈ જવાના કારણે બાળકોને શાળાએ મુકવા જતાં સ્થાનિકોને હાલાકી પડી રહી છે. તો પ્રથમ વરસાદમાં જ તંત્રના પ્રિ-મોનસૂન પ્લાનની પોલ ખુલી ગઈ છે.