શેર બજાર / તગડું રોકાણ આને કે'વાય! 200 રૂપિયાના શેરે 5 વર્ષમાં આપ્યું 12000 ટકા રિટર્ન, પૈસા રોક્યા તે થયા રૂપિયાવાળા

200 રૂપિયાથી ઓછી કિંમત વાળા શેર સર્વોટેક પાવર સિસ્ટમ્સએ છેલ્લા 5 વર્ષમાં 12000 ટકાથી વધુ વળતર આપ્યું છે. છેલ્લા એક વર્ષમાં કંપનીના શેરની કિંમતમાં 100 ટકાથી વધુનો વધારો થયો છે. છેલ્લા કેટલાક વર્ષો દરમિયાન કંપનીઓએ રોકાણકારોને જંગી વળતર આપીને માલામાલ કર્યા છે, અને સર્વોટેક પાવર સિસ્ટમ્સ પણ તેમાંથી એક છે. છેલ્લા 5 વર્ષમાં કંપનીના શેરની કિંમતમાં 12182 ટકાનો વધારો થયો છે. કંપની વિશે વધુ એક સારા સમાચાર આવ્યા છે. કંપની ભાગીદારી દ્વારા જર્મનીમાં એક મોટા પ્રોજેક્ટ પર કામ કરવા જઈ રહી છે. તમને જણાવી દઈએ કે સર્વોટેક પાવર સિસ્ટમ્સ સોલર પ્રોડક્ટ્સ, ઈવી ચાર્જર્સ, ડીસી ચાર્જર્સ અને હોમ એસી ચાર્જર્સમાં કામ કરે છે.

નવો પ્રોજેક્ટ શું છે?

કંપનીએ એક્સચેન્જને આપેલી માહિતીમાં જણાવ્યું છે કે તેણે LESSzwei GmbH સાથે ભાગીદારી કરી છે. કંપની જર્મનીમાં 100 ટકા સૌર-સંચાલિત EV ચાર્જિંગ સિસ્ટમ્સનું ઉત્પાદન કરશે. સર્વોટેક દ્વારા આપવામાં આવેલી માહિતીમાં કહેવામાં આવ્યું છે કે આ ચાર્જિંગ સ્ટેશન દ્વારા ઈ-બાઈક, ઈ-સ્કૂટર અને ઈ-કાર્ગો બાઈકને ચાર્જ કરવાનો વિકલ્પ મળશે. તમને જણાવી દઈએ કે કંપનીએ કહ્યું છે કે આ સ્ટેશન પર એક સાથે 4 ટુ-વ્હીલરને ચાર્જ કરી શકાય છે.

સોમવારે સર્વોટેક પાવર સિસ્ટમ્સના શેરમાં 4 ટકાનો ઉછાળો જોવા મળ્યો હતો. આ સ્મોલ કેપ શેર રૂ. 183.60 ના સ્તર પર ફાયદા સાથે ખુલ્યો. કંપનીના શેર 4 ટકાના ઉછાળા બાદ રૂ. 189.67ના સ્તરે પહોંચ્યા હતા. જે કંપનીના 205.40 રૂપિયાના રેકોર્ડ હાઈની ખૂબ નજીક છે. તમને જણાવી દઈએ કે 26 સપ્ટેમ્બરે કંપનીના શેર આ સ્તરે હતા.

આ પણ વાંચોઃ બિઝનેસ / શેર બજાર ફરી રેડ ઝોનમાં બંધ, સેન્સેક્સ 177 અંક ઉતર્યો, આ શેરો ટોપ લૂઝર

છેલ્લું વર્ષ કેવું રહ્યું?

છેલ્લા એક વર્ષમાં કંપનીના શેરના ભાવમાં 142 ટકાનો વધારો જોવા મળ્યો છે. જે રોકાણકારો 3 વર્ષથી સ્ટોક ધરાવે છે, તેમને અત્યાર સુધીમાં 4324 ટકાનો નફો થયો છે. કંપનીનું 52 સપ્તાહનું નીચલું સ્તર 73 રૂપિયા પ્રતિ શેર છે. માર્કેટ કેપ 4157.39 કરોડ રૂપિયા છે. તમને જણાવી દઈએ કે કંપની એનએસઇમાં લિસ્ટેડ છે.

(DISCLAIMER: બિઝનેસને લગતો આ આર્ટિકલ ન્યૂઝ આધારિત છે જેમાં રિસ્કનું પ્રમાણ વધુ હોય શકે છે, કોઈ પણ જગ્યાએ રોકાણ કે બિઝનેસને લગતો વહીવટ કરતી વખતે એક વખત માર્કેટ નિષ્ણાંતની સલાહ લેવી જરૂરી છે, vtvgujarati.com કોઈ પણ મુશ્કેલી માટે બંધનકર્તા રહેશે નહીં જેની ખાસ નોંધ લેવી.)

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ