રાજ્યમાં ઉનાળાની શરૂઆત થઇ ગઇ છે ત્યારે રાજ્યના વિસ્તારની દ્રષ્ટીએ સૌથી મોટો જિલ્લો ગણાતા કચ્છના ભુજમાં ગરમીએ કાળો કહેર વરસાવ્યો હતો...
કચ્છ: આકાશમાંથી વરસી રહેલી આગના કારણે આજે ભુજમાં ગરમીનો પારો 42 ડીગ્રીને વટાવી જતાં ફાગણ માસમાં જ ભુજ ભઠ્ઠીમાં ફેરવાઈ ગયું છે. ભુજ ના લોકો ભારે ગરમીના કારણે કામ વિના ઘરણ8 બહાર નીકળવાનો ટાળી રહ્યા છે.
હવામાન વિભાગે આપેલી માહિતી મુજબ આજે જિલ્લામથક ભુજ ખાતે મહત્તમ તાપમાન 39 ડીગ્રી સેલ્સિયસ નોંધાયું છે. જો કે, જિલ્લાના અન્ય કેન્દ્રોમાં ગરમીનો પારો 35થી 40 ડીગ્રી વચ્ચે રહ્યો છે.
નલિયામાં 34 , કંડલા પોર્ટમાં 35.અને કંડલા એરપોર્ટ ખાતે 36 ડીગ્રી સેલ્સિયસ તાપમાન નોંધાયું છે. હવામાન વિભાગે આગામી બે દિવસ દરમિયાન કોઈ મોટા ફેરફાર વગર તાપમાન યથાવત્ રહેવાની આગાહી વ્યક્ત કરી છે.
વિવિધ શહેરોમાં યલો એલર્ટ
રાજ્યભરમાં દિવસે દિવસે ગરમીના તાપમાનમાં વધારો થઈ રહ્યો છે. મોટાભાગના શહેરોમાં ગરમીનો પારો 40ને પાર પહોંચ્યો છે. આગામી દિવસોમાં પારો વધે તેવી હવામાન વિભાગે આગાહી કરી છે.
આગામી બે દિવસ દરમિયાન બનાસકાંઠા, સાબરકાંઠા, સુરત, વલસાડ, વડોદરામાં હીટવેવની સ્થિતિ બની રહેશે. કાળઝાળ ગરમીને કારણે રાજકોટ મહાનગરપાલિકા દ્વારા યલો એલર્ટ જાહેર કરવામાં આવ્યુ છે. આ સાથે જ પાલિકાએ લોકોને કામ વગર ઘરની બહાર ન નિકળવાની સલાહ પણ આપી છે.
ઉલ્લેખનીય છે કે, અમદાવાદમાં વર્ષ 2009થી માર્ચ 2018 દરમિયાન માર્ચ મહિનાની 3થી 23મી માર્ચ દરમિયાન ગરમીનો પારો 38.3થી 43.0 ડિગ્રી નોંધાયો હતો. પરંતુ, આ વર્ષે 24 માર્ચ સુધીમાં ગરમીનો પારો 38 ડિગ્રીથી પાર ગયો નથી.