થરાદ હાઇવે પર કોલ્ડ સ્ટોરેજમાં ભીષણ આગ 2 લાખ બટાટાના કટ્ટા ખાખ

બનાસકાંઠાઃ ડીસા-થરાદ હાઈવે પર આવેલા રામેશ્વર કોલ્ડ સ્ટોરેજમાં ભીષણ આગ લાગી હતી. આગના કારણે સ્ટોરેજ બળીને ખાખ થઈ ગયું હતો. તો સ્ટોરેજમાં બે લાખથી વધુ બટાટાના કટ્ટા હોવાથી તેને પણ નુકશાન થયાનું અનુમાન છે.

આગની જાણ સ્ટોરેજના માલિક પોલીસ અને ફાયર વિભાગ અને બટાટાના વેપારીઓ અને સ્થાનિક અધિકારીઓને થતાં તેઓ ઘટના સ્થળે દોડી આવ્યા હતા. તો ફાયરના જવાનોએ ભારે જહેમત બાદ આગ પર કાબૂ મેળવ્યો હતો. શોર્ટ સર્કિટના કારણે આ આગ લાગી હોવાનું પ્રાથમિક અનુમાન છે. 

મહત્વનું છે કે ડીસા થરાદ હાઈવે પર આવેલ રામેશ્વર કોલ્ડસ્ટોરેજમાં શોર્ટ સર્કિટના કારણે વિકરાળ આગ લાગી હતી. આ કોલ્ડ સ્ટોરેજમાં બટાટાનો સનગ્રહ કરવામાં આવેલો હતો જે આગમાં બળીને ખાખ થઈ ગયો હતો.

જિલ્લાભરમાંથી 10 જેટલા ફાયરફાઈટરો ઘટના સ્થળે પહોંચી આગ પર કાબુ મેળવવાનો પ્રયાસ કર્યો હતો. 5 કલાકની ભારે જહેમત આગ પર કાબુ મેળવ્યો હતો. જોકે આ આગમાં કોલ્ડસ્ટોરેજ સંપૂર્ણ બળીને ખાખ થઈ ગયો હતો અને 25 કરોડ જેટલું નુકશાન થવા પામ્યું હતું.