સાઈડ ઈફેક્ટ્સ / ડાયટમાં આ 1 વસ્તુનો વધારે પડતો ઉપયોગ આમંત્રે છે હાર્ટ, કિડની અને સ્થૂળતાની સમસ્યા, જાણો સાઈડ ઈફેક્ટ્સ પણ

• વધારે પડતો કેચઅપ કરે છે નુકસાન
• જાણો કેચઅપથી થતી સાઈડઈફેક્ટ્સને વિશે
• આમંત્રે છે આ ગંભીર બીમારીઓને પણ

ટોમેટો સોસ જોતાં જ મોઢામાં પાણી આવે તે શક્ય છે. આ ચીજ નાના મોટા સૌને પ્રિય હોય છે. અનેક લોકોને અને ખાસ કરીને બાળકોને કેચઅપ ખાવાની આદત હોય છે. બ્રેડપકોડા, મેગી, પાસ્તા, પિત્ઝાની સાથે કે પછી સેન્ડવિચની સાથે સોસનો ખાસ કરીને ઉપયોગ વધારે કરાય છે. પરંતુ તેનાથી હેલ્થને મોટું નુકસાન થાય છે. 

આ કારણે કરી શકે છે શરીરને નુકસાન
કેચઅપમાં ન તો પ્રોટીન હોય છે અને ન ફાઈબર. તેમાં શુગર, મીઠું અને અનેક મસાલા અને ફ્રૂક્ટોઝ કોર્ન સિરપનો ઉપયોગ કરાય છે જેના કારણે તે હેલ્થને નુકસાન કરે છે. 
 
શું છે કેચઅપની સાઈડ ઈફેક્ટ્સ 

પોષક તત્વોનો અભાવ
ટામેટામાં ખાસ કરીને વધારે પોષક તત્વો હોતા નથી. તેમાં પ્રોટીન અને ફાઈબર પણ હોતું નથી, આ માટે તે હેલ્થને નુકસાન કરે છે. 

હાર્ટની બીમારી
ટામેટામાં વધારે પડતું ફ્રૂક્ટોઝ હોય છે જે ટ્રાઈગ્લિસિરાઈઝ્ડ નામનું કેમિકલ બનાવે છે. આ કેમિકલ હાર્ટ પ્રોબ્લેમ્સને જન્માવે છે.  

સ્થૂળતા
કેચઅપમાં રહેલું ફ્રૂક્ટોઝ સ્થૂળતા જન્માવવાનું કામ કરે છે. આ સિવાય તે ઈન્સ્યુલિનના પ્રમાણને પણ ઓછું કરે છે.  
 
એસિડિટી
કેચઅપ એસિડિક નેચર ધરાવે છે. આ માટે એસિડિટી અને હાર્ટબનની સમસ્યા જન્માવી શકે છે. આ ડાઈજેસ્ટિવ સિસ્ટમને પણ ખરાબ કરી શકે છે.  

સાંધામાં દર્દ
કોઈ પણ પ્રકારના પ્રોસેસ્ડ અને પહેલાથી તૈયાર ફૂડમાં સોજા જન્માવનારી ક્ષમતા જોવા મળે છે. જે ખાસ કરીને સાંધાના દર્દને વધારી શકે છે.  
 

કિડનીની સમસ્યા
વધારે કેચઅપ ખાવાથી પેશાબમાં કેલ્શિયમનું પ્રમાણ વધે છે અને સાથે કિડની સ્ટોનની સમસ્યા પણ થઈ શકે છે.  

એલર્જી
કેચઅપમાં હિસ્ટામાઈન્સ કેમિકલ વધારે હોય છે. હિસ્ટામાઈન્સ અનેક લોકોમાં એલર્જી જન્માવે છે. આ માટે એલર્જિક રિએક્શન જેમકે છીંક આવવી કે ખાંસીની સમસ્યા કે શ્વાસ લેવાની સમસ્યા થઈ શકે છે.