મધ્ય પ્રદેશના ઉજ્જૈનમાંથી એક વીડિયો વાયરલ થઈ રહ્યો છે. જેમાં પૂર્વ ધારાસભ્યને એસડીએમ અધિકારીને શિખામણ આપવી ભારે પડી ગઈ હતી.
ઉજ્જૈનમાંથી એક વીડિયો વાયરલ થયો
એસડીએમ અધિકારીએ પૂર્વ ધારાસભ્યને ખખડાવી નાખ્યા
અધિકારીને શિખામણ આપવી ભારે પડી, અધિકારી બગડ્યા
મધ્ય પ્રદેશના ઉજ્જૈનના બડનગર તાલુકામાં પાણીને લઈને એસડીએમ અને પૂર્વ ધારાસભ્ય શાંતિલાલ ધાબાઈ વચ્ચે ભારે હોબાળો થયો હતો. એસડીએમે કહી દીધું કે, મને નોકરીમાંથી કાઢી મુકજો જાવ. એસડીએમ નિધિ સિંહે પૂર્વ ધારાસભ્યને કહ્યું કે, તું મને મારુ કામ ન શિખવાડ. તારામાં દમ હોય તો, નોકરીમાંથી હટાવીને જો. નિકળ અહીંથી જા. તેનો વીડિયો હાલમાં સોશિયલ મીડિયા પર વાયરલ થઈ રહ્યો છે.
હકીકતમાં આ કિસ્સો ત્યારે સામે આવ્યો જ્યારે બંગ્રેડ ગામમાં ચોક પર પુલ પર પાણી જમા થઈ ગયું હતું. પણી લોકોના ઘરોમાં ઘુસી ગયા હતા. એસડીએમને તેની ફરિયાદ મળી. જે બાદ એસડીએમ નિધિ સિંહ અધિકારીઓ સાથે અહીં પહોંચી ગયા અને જેસીબીની મદદથી પાણી કઢાવી રહી હતી. તે જ સમયે પૂર્વ ધારાસભ્ય શાંતિલાલ ધાબાઈ ત્યાં આવી પહોંચ્યા અને કહ્યું કે, પાણી બહાર કાઢવા માટે બીજી બાજૂથી પાઈપ નાખીને કાઢો આ વાતને લઈને એસડીએમ નિધિ સિંહ ગુસ્સે ભરાઈ ગયા અને અભદ્રતાથી વાત કરવા લાગ્યા. એસડીએમને ગુસ્સો આવ્યો અને તેમનો ઉધડો લેતા કહ્યું કે, તું મને મારુ કામ ન શિખવાડ, અહીં ભાગ ચલ, જો મને નોકરીમાંથી હટાવી શકતો હોય તો હટાવી જો.
તો વળી નિધિ સિંહએ કલેક્ટર સાથે વાત કરવાનું પણ કહ્યું. તેમ છતાં પણ ધારાસભ્ય માન્યા નહીં અને વિવાદ વકરી ગયો. વિવાદ વધતો જોઈ ત્યાં હાજર પૂર્વ ધારાસભ્યોના સમર્થકો તેમને ત્યાંથી જબરદસ્તી ખેંચીને લઈ ગયા. નહીં તો મામલો ખૂબ વધી જાત. હાલમાં આ વીડિયો ખૂબ જ ઝડપથી વાયરલ થઈ રહ્યો છે. એસડીએમ પૂર્વ ધારાસભ્ય સાથે અભદ્રતાથી વાત કરતી દેખાઈ રહી છે. કહેવાય છે કે, પૂર્વ ધારાસભ્યએ એસડીએમ નિધિ સિંહની ફરિયાદ કલેક્ટર અને મુખ્યમંત્રી પાસે કરી છે. જોવાનું એ રહેશે કે, શું સત્તાધારી પાર્ટી કામ કરતી એસડીએમને હટાવશે કે તેને સન્માનિત કરશે.