ઉનાળો શરૂ થાય એટલે બિમારી પણ શરૂ થઇ જાય છે. લૂ લાગવી અને ઉનવા થવો તો સામાન્ય છે પરંતુ તે સિવાય કેટલીક બિમારી તમારા શરીર પર હાવી થઇ જાય છે.
ગરમીમાં વધી જાય છે બિમારીઓનો ખતરો
ડિહાઇડ્રેશનની સમસ્યા દરેકને થાય છે
વધારે પડતો તાપ આંખોને નુકસાન પહોંચાડી શકે
હીટ સ્ટ્રોક
ગરમી શરૂ થાય અને જો તમે વધુ સમય તાપમાં રહો છો તો તેના કારણે તમને હીટ સ્ટ્રોક એટલે કે સાદી ભાષામાં લૂ લાગી શકે છે. લૂ લાગવાના કારણે માથુ દુખવુ, કમજોરી, તાવ, માંસપેશીઓમાં દુખાવો વગેરે જેવી સમસ્યા રહે છે.
ડાયેરિયા
ડાયેરિયા એટલે કે ઝાડા થવા પણ એક એવી સમસ્યા છે જે અયોગ્ય ખાનપાનના કારણે થાય છે. ખાસ કરીને ઉનાળામાં તીખુ-તળેલુ ખાવાના કારણે આ પ્રકારની સમસ્યા ઉદભવે છે.
ચિકનપોક્સ
ગરમીમાં મોટા ભાગે ચિકનપોક્સની સમસ્યા વધી જાય છે. શરીરમાં ખંજવાળ આવવી, ફોડલા અને ચકામા થઇ જવા. સાથે તાવ અને ભૂખ ન લાગવી પણ તેના લક્ષણો છે.
ફૂડ પોઇઝનિંગ
આ દુષિત ભોજનના કારણે થાય છે. ગરમીની સિઝનમાં રાંધેલુ ભોજન વધારે સમય સુધી ફ્રેશ રહેતુ નથી જેના કારણે ફૂડ પોઇઝનિંગ થવાની સમસ્યા રહે છે.
અસ્થમા
ગરમીની સિઝનમાં અસ્થમાના દર્દીઓએ ખુબ ધ્યાન રાખવુ જોઇએ. પોલ્યુશનથી કે અન્ય કારણથી વાયરસથી ઇન્ફેક્શનનો ખતરો વધી જાય છે. તેનાથી વ્યક્તિને શ્વાસ લેવામાં તકલીફ પડે છે.
ડિહાઇડ્રેશન
ઉનાળામાં શરીરમાં પાણીની અછત થઇ જાય છે અને તેના કારણે આપણને ડિહાઇડ્રેશનની તકલીફ થઇ જાય છે. પસીનો થવાને કારણે આપણા શરીરમાંથી બધુ પાણી નીકળી જાય છે. માટે ગરમીમાં વધુ પાણી પીવાનો આગ્રહ રાખવો જોઇએ.
ફ્લૂ
ગરમીમાં ઘણા પ્રકારના વાયરસ અને બેક્ટેરિયા હોય છે. જેમાં ફ્લૂ થવાનો ખતરો પણ વધી જાય છે. જેમાં વ્યક્તિને તાવ, થાક અને માથાનો દુખાવો જેવી સમસ્યા રહે છ.
આંખોમાં તકલીફ
ગરમીમાં વધારે પડતા તડકાને કારણે આંખોને નુકસાન થાય છે. જેનાથી ઘણા પ્રકારના બેક્ટેરિયલ અને વાયરલ ઇન્ફેક્શન થઇ શકે છે. આ મોસમમાં કાંજેક્ટિવઆઇટિસ સૌથી વધારે થાય છે.