બોલિવૂડ એક્ટ્રેસ મંદિરા બેદીના પતિ રાજ કૌશલનું બુધવારે સવારે હાર્ટએટેકના કારણે નિધન થયું હતું. રાજે અભિનેતા તરીકે પોતાના કરિયરની શરુઆત કરી હતી. 49 વર્ષના રાજ એક ફિલ્મમેકર હતા.
મંદિરા બેદીએ પતિની અર્થીને આપી કાંધ
ડાયરેક્ટર રાજ કૌશલનું બુધવારે સવારે 4.30 કલાકે હાર્ટ અટકેના કારણે અવસાન થયું
પતિના આકસ્મિક અવસાનથી મંદિરા બેદી એકદમ ભાંગી પડી
મીડિયા રિપોર્ટ અનુસાર રાજ કૌશલનું નિધન બુધવારે સવારે 4.30 વાગ્યે થયું હતું. રાજ કૌશલના નિધન પર બોલિવૂડની તમામ હસ્તીઓને શોક વ્યક્ત કર્યો હતો. મંદિરા બેદી અને રાજ કૌશલના બે બાળકોમાં એક દિકરો અને દીકરી છે.
ત્યારે રાજ કૌશલના અંતિમ સંસ્કાર થયા એ દરમિયાનની કેટલીક તસવીરો સામે આવી છે. જે જોઈને તમારી આંખો ભીની થઈ જશે. આ તસવીરોમાં મંદિરા બેદી અશ્રુભીની આંખે પતિની અર્થી ઉઠાવતી જોવા મળી રહી છે. સોશિયલ મીડિયા પર આ તસવીરો જોઈને લોકો ભાવુક થઈ રહ્યાં છે.
રાજ કૌશલના નિધનના સમાચાર સૌથી પહેલાં સેલીબ્રિટી ફોટોગ્રાફર વિરલ ભયાનીએ પોતાના ઈન્સ્ટાગ્રામ પર બુધવારે સવારે આપ્યા હતા. તેણે રાજ કૌશલના પરિવારની તસવીર શેર કરતા લખ્યું હતું કે અમે બધાં આઘાતમાં છીએ. મંદિરા બેદીના પતિ રાજ કૌશલનું હાર્ટ એટેકથી આજે સવારે નિધન થઈ ગયું છે.
તમને જણાવી દઈએ કે, રવિવારે જ મંદિરા અને રાજ પોતાના નજીકના મિત્રો સાથે એક પાર્ટી કરી હતી. જેમાં નેહા ધૂપિયા, અંગદ બેદી, સાગરિકા ઘાટગે, જહીર ખાન, આશીષ ચૌધરી અને તેમની પત્ની પાર્ટીમાં સામેલ થયા હતા. રાજના આ આકસ્મિક નિધન બાદ મંદિરા અને રાજના નજીકના મિત્ર આશીષ ચૌધરી સૌથી પહેલાં મળવા માટે પહોંચ્યા હતા. રાજ અને મંદિરાએ 1999માં લગ્ન કર્યા હતા અને તેમના બે સંતાનો છે.