દિવાળીનો તહેવાર નજીક છે ત્યારે બજારોમાં અત્યારથી અવનવા કોડિયા અને સાજ સજાવટનો સામાન આવી ગયો છે. તેવામાં સોશ્યલ મીડિયામાં એક નાનકડા બાળકનો વીડિયો વાયરલ થઇ રહ્યો છે.
સોશ્યલ મીડિયા પર વાયરલ વીડિયો
નાનો બાળક બનાવી રહ્યો છે કોડિયા
માટીના ખુબસુરત કોડિયા બનાવી રહ્યો છે બાળક
બાળક બનાવી રહ્યો છે માટીના દિવા
સોશ્યલ મીડિયા પર એક વીડિયો વાયરલ થઇ રહ્યો છે જેમાં રમવાની ઉંમરમાં એક બાળક ચાકડા પર કોડિયા બનાવી રહ્યો છે. લોકો આ વીડિયો જોઇને ભાવૂક થઇ રહ્યાં છે.
IPSએ કરી કૉમેન્ટ
IPS રુપિન શર્માએ ટ્વિટર પર આ વીડિયો શૅર કર્યો છે અને સાથે કેપ્શન પણ લખ્યું છે કે, દિવાળી પર મને યાદ રાખજો...વીડિયોમાં તમે જોઇ શકો છો કે નાનકડો બાળક ચાકડા પર ખુબ સુંદર રીતે કોડિયા બનાવી રહ્યો છે. તેને જોઇને એવું લાગી રહ્યું છે કે તેને વાસણ બનાવવાનો ઘણો અનુભવ છે. આ વીડિયોએ દરેક વ્યક્તિને ભાવૂક કરી દીધા છે.
આ વીડિયો અત્યાર સુધી 3 હજારથી વધારે વાર જોવાઇ ચૂક્યો છે. તેમાં એક યુઝરે લખ્યું કે, ગરીબી કંઇ પણ કરાવી શકે છે. તો અન્ય એક યુઝરે લખ્યું કળા તમારી ભૂખને મરવા નહી દે. કોઇ પણ પ્રકારની વિપત્તિમાં બાળકને જીવવા માટે ભીખ માગવાની જરૂર નથી તે સાબિત થાય છે.