શિયાળાની શરૂઆતથી જ બાળકોની કાળજી લેવામાં આવે તો બાળકોને બીમાર પડતા બચાવી શકાય છે. બાળકોને સામાન્ય શરદી-ખાંસી થાય તે સ્વાભાવિક પણ સાવચેતી પણ એટલી જ જરૂરી
ઠંડીથી બાળકોમાં હાર્ટઍટેકના કેસ
તમારા બાળકનું કઈ રીતે રાખશો ધ્યાન?
શિયાળામાં બાળકોને લઇ શું ધ્યાનમાં રાખવું?
બાળકોની કેવી કાળજી લેવી જોઈએ?
શિયાળાની ઋતુ શરૂ થતાની સાથે જ લોકો બીમારીમાં સપડાવવા શરૂ થાય છે. આ સાથે ઠંડીમાં હાર્ટ એટેકના બનાવો પણ વધતાં હોય છે. શિયાળામાં વૃદ્ધો અને બાળકોના બીમાર પડવાનો ખતરો સૌથી વધુ રહે છે. શિયાળાની શરૂઆતથી જ બાળકોની કાળજી લેવામાં આવે તો બાળકોને બીમાર પડતા બચાવી શકાય છે. સામાન્ય રીતે આ ઋતુમાં બાળકોને સામાન્ય શરદી-ખાંસી થાય તે સ્વાભાવિક છે. સ્વાભાવિક છે કે, બાળકો વડીલોની જેમ કોઈ એક જગ્યાએ બેસતા નથી. જેથી બાળકો બીમાર પડવાનો ખતરો વધુ રહે છે. જેથી શિયાળો શરૂ થવાની સાથે બાળકોની કાળજી લેવી જરૂરી છે.
આ તરફ VTV સાથેની વાતચીતમાં એક્સપર્ટ ડો.કાજલ શાહે જણાવ્યું હતું કે, શિયાળામાં નાના બાળકોને દરરોજ નવડાવવા બદલે કપડાને ગરમ પાણીમાં પલાળીને બાળકનાં શરીરને સાફ કરવું જોઈએ. જેથી બાળકને ઠંડી લાગવાની તકો ઓછી થશે. ઠંડીમાં બાળકો જમીન પર ઉઘાડા પગ ન ચાલે તેની કાળજી લેવી જરૂરી છે. જેવું હવામાન બદલાય તો બાળકને ગરમ કપડાં પહેરાવાનનું શરૂ કરો. આ સાથે બાળકને હંમેશા મોજાં પહેરાવીને રાખો. ઠંડીમાં બાળકને કાનમાં પવન ન લાગે તેનું ધ્યાન આપવું જોઈે જેથી માથામાં કોટનનો રુમાલ લપેટેલો રાખો અથવા તો પછી ઉનની ટોપી પહેરાવી રાખો જેથી માથું પણ ઠરે અને ઠંડીથી બચી શકાય.
ઠંડીના લીધે હાર્ટઍટેક
શરદીથી બચવામાં બેદરકારી અને દવાઓ લેવામાં બેદરકારીના કારણે બ્લડપ્રેશરનું સ્તર અચાનક વધી જાય છે. જેના કારણે હાર્ટ એટેક અને બ્રેઈન એટેકનો ખતરો રહે છે. શિયાળાની ઋતુ તેની સાથે અનેક સમસ્યાઓ લઈને આવે છે. ઘણી વખત આ સમસ્યાઓ એટલી વધી જાય છે કે તે મૃત્યુનું કારણ પણ બની જાય છે. એટલા માટે ખૂબ કાળજી રાખવાની જરૂર છે. લોહીના ગંઠાવાની શક્યતાઓ નોંધપાત્ર રીતે વધે છે, જે હાર્ટ એટેક અથવા સ્ટ્રોકનું જોખમ વધારે છે. શિયાળાની ઋતુમાં બીમારીઓથી પોતાને સુરક્ષિત રાખવા માટે તમે તમારી જીવનશૈલીમાં આવા કેટલાક ફેરફાર કરી શકો છો.
સૂર્યપ્રકાશથી મળે છે વિટામિન-ડી
અપના ઘરના કોઈક ખૂણામાં સૂર્યપ્રકાશ તો આવતો જ હોય. તો હવે ઠંડીથી રક્ષણ મેળવવા થોડા સમય માટે બાળકને ગરમ કપડા પહેરાવીને તડકામાં રાખો. જેનો ફાયદો એ થશે કે, બાળકને તાજી હવા અને વિટામિન-ડી બંને મળશે. આ સાથે હંમેશાં સારી ગુણવત્તાવાળા સ્વેટર પહેરવું જોઈએ. કારણ કે ઉનથી ક્યારેક ત્વચાની એલર્જિક થાય છે.
શિયાળામાં બાળકોનું ભોજન પણ મહત્વનું
શિયાળાની ઋતુમાં બાળકના ભોજનનું સારી રીતે ધ્યાન રાખવાથી તેમનું સ્વાસ્થ્ય જાળવી શકાય છે. શિયાળામાં ભૂલથી પણ બાળકોને ઠંડી વસ્તુઓ ન ખવડાવવી જોઈએ. તેમ કરવાથી તેને શરદીની અસર થઈ શકે છે. આ સાથે ઠંડી વસ્તુ સાથે બાળકને વાસી ખોરાક આપવાનું પણ ટાળવું જોઈએ. મહત્વનું છે કે, શિયાળામાં બાળકોને સીઝનલ શાકભાજી આપવી જોઈએ.
હળદરવાળું દૂધ પણ અસરકારક
શિયાળાની ઋતુમાં બાળકોને બની શકે તો દૂધમાં હળદર મિક્સ કરીને પણ પીવડાવો. રૂમનું હૂંફાળું વાતાવરણ બાળકને સ્વસ્થ રાખવું હોય તો તેના રૂમનું વાતાવરણ હૂંફાળું હોય એ વાતનું ધ્યાન રાખો. મોટાભાગે શિયાળામાં ઠંડીથી બચાવવા માટે હીટર અને બ્લોઅરથી ગરમ કરેલા રૂમમાં બાળકોને રાખવામાં આવે છે. બાળક જો વધુ ગરમ વાતાવરણથી જ સામાન્ય તાપમાનમાં આવી જાય છે તો તેમને તરત જ ઠંડી અસર કરે છે.
શિયાળાની ઋતુમાં બાળકોને શરદી, ઉઘરસ, નાક બંઘ થવુ, ગળામાં ખારાશ, ખાંસી અને થાક જેવી અનેક સમસ્યાઓ થતી હોય છે. આ કારણે બાળકોના શરીરમાં પાણીની ઉણપ થવા લાગે છે. આ સમસ્યામાં બાળકોને ભરપૂર માત્રામાં પાણી પીવડાવો. તમારું બાળક આ સમયે પાણી પીતુ નથી તો તમે થોડા-થોડા સમયે પાણી પીવડાવવાની આદત પાડો. આમ કરવાથી બાળકના શરીરમાં પાણીની ઉણપ નહીં થાય અને દાખલ કરવાની જરૂરિયાત પણ પડશે નહીં.
પાણીમાં મીઠું નાખીને કોગળા કરાવો
બાળકને જ્યારે ફ્લૂની અસર થાય તો હુંફાળા પાણીમાં મીઠું નાખીને કોગળા કરો. મીઠાનું આ પાણી બાળકોને ગળામાં થતા દુખાવામાંથી રાહત અપાવવાનું કામ કરે છે. બાળકો જ્યારે ફ્લૂની ઝપેટમાં આવે ત્યારે ખાસ કરીને ઘરમાં જ સૌથી વધારે આરામ આપો. આરામ આપવાથી બાળક રિલેક્સ ફિલ કરે છે. આ સાથે જ ફ્લૂ જેવી બીમારીઓમાંથી ઝડપથી રિકવર થવાય છે.
ઠંડીમાં બાળકને બીમારીથી બચાવાના ઉપાય
બાળકને કાનમાં પવન ન લાગે તેનું ધ્યાન રાખો
બાળકનું માથું કોટનના રૂમાલ અથવા ઉનની ટોપીથી ઢાંકીને રાખો
રૂમનું વાતાવરણ હૂંફાળું હોય એ વાતનું ધ્યાન રાખો
સાંજના સમયે બાળકોને ફળ ખવડાવવાનું ટાળો
સાંજના સમયે ફળ ખાવાથી શરદીનો રહે છે ખતરો
દૂધમાં હળદર મિક્સ કરીને બાળકોને પીવડાવો
શિયાળામાં બાળકને ગરમ તેલથી માલિશ કરો
સવારના સમયે સ્નાન કરાવવાને બદલે બપોરે સ્નાન કરાવો
બાળકને ખુલ્લામાં સ્નાન કરાવવાનું ટાળો
ઠંડીમાં બાળકો જમીન પર ઉઘાડા પગ ન ચાલે તેની કાળજી લો
હવામાન બદલાવાની સાથે જ બાળકને ગરમ કપડાં પહેરાવાનનું શરૂ કરો
બાળકને હંમેશા મોજા પહેરાવીને રાખો
બાળકને ગરમ કપડા પહેરાવી થોડા સમય માટે તડકામાં રાખો
તડકામાં રહેવાથી બાળકને હવા અને વિટામિન-ડી બન્ને મળશે
શિયાળામાં બાળકના ભોજનનું સારી રીતે ધ્યાન રાખવાથી તેમનું સ્વાસ્થ્ય જાળવી શકાય છે