નિત્યાનંદ આશ્રમ વિવાદમાં પરિવારજનોએ કરેલી હેબિયસ કોપર્સ મામલે હાઈકોર્ટે સુનાવણી હાથ ધરી છે. પરિવારજનોએ પોલીસ તેમની દીકરીઓનાં આઈપી એડ્રેસ શોધી દીકરીઓની ભાળ મેળવા માટે કોર્ટમાં રજુઆત કરી છે.
મારી દીકરીઓ દબાણમાં આવી વીડિયો જાહેર કરી રહી છે
અમારી જાણ બહાર બાળકોને બેંગ્લોરથી અમદાવાદ લવાયા
પુષ્પક સોસાયટીમાં બાળકો રાખી અત્યાચાર કરાતો
હેબિયસ કોપર્સ પર સુનાવણી હાથ ધરાઈ
નિત્યાનંદ આશ્રમમાં પોતાના 4 બાળકોને ગોંધી રાખવાનાં મુદ્દે બેંગલુરુનાં દંપતીએ પોલીસની મદદ માંગી હતી. આ દરમિયાન તેમનાં બે સગીર બાળકોને પોલીસે રેસ્ક્યુ કર્યા હતા. આ સિવાય બીજી પુખ્તવયની 2 દીકરીઓ હજું પણ નિત્યાનંદનાં આશ્રમમાં છે. જેને લઈને માતા પિતાએ હેબિયસ કોપર્સ દાખલ કરી હતી. આ અંગે હાઈકોર્ટે સુનવણી હાથ ધરી છે.
વધુ સુનવણી 26 નવેમ્બરે
હેબીયસ કોર્પસ મામલે હાઈકોર્ટમાં સુનાવણી હાથ ધરાઈ. બાળકીઓને લઈ પરિવારે હાઇકોર્ટમાં રજુઆત કરી છે. પરિવારજનોનું કહેવું છે કે કેમ બન્ને બાળકોને પરિવારને મળવા દેતા નથી. તેમજ પરિવારજનોએ રજુઆત કરી છે કે પોલીસ ડીપીએસ સ્કુલ અને આશ્રમ વચ્ચેનાં સંબંધોની તપાસ કરે. કોર્ટે આજે સુનાવણી ચાલું કરી હતી. જ્યારે વધુ સુનાવણી 26 નવેમ્બરે કરવામાં આવશે.
ગુમ દીકરીનો સામાન આશ્રમમાં તો તે બહાર ક્યારે ગઈ
પરિવારજનોએ અરજ કરતાં સવાલો પણ કહ્યાં હતાં કે ગુમ બાળકીનાં કપડાં અને વસ્તુઓ ક્યાં ગાયબ થઈ ગઈ છે. આ ઉપરાંત અનેક સવાલો કરતાં તેમણે એેમ પણ કહ્યું હતું કે જો તેમની ગુમ દીકરીની વસ્તુઓ આશ્રમમાંથી મળી આવી છે તો મારી દીકરી બહાર ક્યારે ગઈ?
દીકરીઓને દબાણ કરાતું હોઈ તેઓ વીડિયો મુકે છે
પરિવારજનોએ એ પણ કહ્યું હતું કે મારા બાળકોને બેંગ્લોરથી અમદાવાદ તેમની જાણ બહાર લાવવામાં આવ્યાં હતાં. તેમનાં બાળકોને પુષ્પક સોસાયટીમાં બાળકોને રાખવામાં આવતા હતાં. તેમજ બાળકો સાથે અત્યાચાર ગુજારવામાં આવતો હોવાની વાત કરી હતી. તેમજ તેમણે આશ્રમનાં સંચાલકો પર આક્ષેપ કરતાં કહ્યુ હતું કે તેમની દીકરીઓને વીડિયો બનાવવા માટે દબાણ કરાય છે. જેથી તેઓ દબાણમાં આવીને આશ્રમવાસીઓના તરફેણમાં વીડિયો વાઈરલ કરી રહ્યાં છે.