છૂટછાટની માગણી / દારૂબંધી હટાવવા મુદ્દે સુનાવણીઃ અરજદારે કહ્યું, રાજ્યમાં દારૂબંધી કરવાનો સરકારને હક નથી, જાણો કોર્ટે શું આપ્યો ચુકાદો

• રાજ્યમાં દારૂબંધીને પડકારતી અરજી થઇ 
• "રાજ્યમાં દારૂબંધી કરવાનો સરકારને હક નથી"
• ગુજરાત હાઇકોર્ટનો સરકારને સવાલ.

રાજ્યમાં દારૂબંધીને પડકારતી અરજીનો મામલે સુનાવણી પૂર્ણ થઈ ચૂકી છે. ગુજરાત હાઇકોર્ટમાં દારૂબંધી પર સુનાવણી પૂર્ણ થયા બાદ ચુકાદો અનામત રાખવામાં આવ્યો છે. આગામી દિવસમાં હાઇકોર્ટ દારૂબંધી પર ચુકાદો આપશે. આજની સુનાવણીમાં દારૂબંધી હટાવવાની અરજી કરનારા અરજદારે કોર્ટમાં પોતાની રજૂઆત કરી હતી. જેમાં તેણે કહ્યું કે, રાજ્યમાં દારૂબંધી કરવાનો સરકારને હક નથી. કાયદામાં દારૂની કોઈ સ્પષ્ટ વ્યાખ્યા નથી. લોકો શું ખાય, શું પીવે રાઈટ ટુ પ્રાઇવસી પર સરકાર હસ્તક્ષેપ ન કરી શકે. 

તો આ તરફ ગુજરાત હાઇકોર્ટે સરકારને સવાલ કર્યો કે, રાજ્યમાં દારૂબંધી કેમ લગાવી છે. જેના જવાબમાં સરકારી વકીલે કહ્યું કે, કાયદો જાહેરહિતના આરોગ્યને ધ્યાનમાં લઈને લાવવામાં આવ્યો છે. 

અગાઉ હાઈકોર્ટમાં દારૂબંધી હટાવવા મુદ્દે સુનાવણીમાં થઈ હતી ધારદાર દલીલ

રાજ્યમાં દારૂબંધીને પડકારતી અરજી પર હાઇકોર્ટમાં સુનાવણી હાથ ધરવામાં આવી હતી. જેમાં અરજદાર અને એડવોકેટ જનરલ વચ્ચે ધારદાર દલીલો થઇ હતી. અરજદારે કહ્યું કે, રાજ્યમાં દારૂબંધી હોવાથી પ્રવાસીઓ ઘટ્યા છે. તો સામે એડવોકેટ જનરલે કહ્યું કે ગાંધીના ગુજરાતમાં દારૂની પરવાનગી ન મળી શકે. ગુજરાત હાઇકોર્ટમાં અરજદારની અરજી યોગ્ય નથી. તો સામે અરજદારે કહ્યું કે સુપ્રીમ કોર્ટમાં આવી અનેક અરજી થાય છે. અને ગુજરાતમાં પણ આ અરજી યોગ્ય છે. કોઈ રાજ્યમાં નિયમો થોપી બેસાડે તેવા બંધારણના હકો નથી. તો સામે એડવોકેટ જનરલે કહ્યું રાજ્યમાં દારૂની પરવાનગી નહીં અપાય.