કોર્ટ / ગુજરાત રાજ્યના ફિક્સ પેના કેસની આજે સુપ્રિમ કોર્ટમા સુનાવણી

રાજ્યના હજારો ફિક્સ પગારદારોને કાયમી કર્મચારીઓ જેટલો પગાર અને અન્ય લાભો આપવાના કેસ મામલે આજે સુપ્રીમ કોર્ટમાં સુનાવણી હાથ ધરવામાં આવશે.

મહત્વનું છે કે અલગ અલગ રાજ્યના ફિક્સ પેના કેસ સુપ્રીમ કોર્ટમાં ચાલી રહ્યા છે. બિહારના ફિક્સ પેના ચુકાદા બાદ હવે ગુજરાતનો ચુકાદો પણ આવી શકે છે. ફિક્સ પેનો ચુકાદો સુપ્રીમ કોર્ટમાં છેલ્લા 6 વર્ષથી ચાલી રહ્યો છે.

અગાઉ ફિક્સ પગાર મામલે સુપ્રીમ કોર્ટમાં તારીખ પડી હતી. સુપ્રીમ કોર્ટે બિહારના ચુકાદા સુધી ગુજરાતનો ચુકાદો અનામત રાખ્યો હતો. મહત્વનું છે કે ફિક્સ પે મામલે સુપ્રીમ કોર્ટમાં બિહાર, ગુજરાત અને રાજસ્થાનના કેસ ચાલી રહ્યા છે. સપ્ટેમ્બર 2018માં ફિક્સ પગાર કેસ સુપ્રીમ કોર્ટમાં અનામત રખાયો હતો.