ઉદાસીનતા / રાજ્યની સરકારી ઈજનેરી કોલેજોમાં ઢગલાબંધ જગ્યાઓ ખાલી;પ્રવેશ પ્રકિયા મંથરગતિમાં

• રાજ્યની એન્જીનીયરીંગ કોલેજોમાં બેઠકો ખાલી 
• સરકારી ગ્રાન્ટેડ કોલેજોમાં જગ્યાઓ છે ખાલી 
• હવે ત્રીજો રાઉન્ડ શરુ કરી કરાશે ભરતી 

રાજ્યમાં ડિગ્રી એન્જિનિયરિંગમાં પ્રવેશના 2 રાઉન્ડ બાદ મોટા પ્રમાણમાં હજુ પણ બેઠકો ખાલી પડી છે. ખાનગી કોલેજોની 40 હજાર 362 બેઠકોમાંથી 11 હજાર 859 બેઠકો 
ભરાઇ ગઈ છે ત્યારે ખાનગી કોલેજો માં હજુ પણ 20 હજાર 503 બેઠકો ખાલી પડી છે. 

30 ઓક્ટોબર સુધી મળશે પ્રવેશ 

રાજ્યની સરકારી અને ખાનગી કોલેજોમાં હજુ સત્રની શરૂઆત પણ નથી થઇ અને બેઠકો પણ પુરતા પ્રમાણમાં ભરાઈ નથી. સરકારી અને ગ્રાન્ટેડ કોલેજોમાં  11 હજાર 44માંથી 8580 બેઠકો ભરાઈ ચુકી છે. તો સરકારી અને ગ્રાન્ટેડ કોલેજોની 2464 બેઠકો  હજુ પણ ખાલી છે. આ તમામ બેઠકો ભરવા માટે હવે ભરતીનો ત્રીજો રાઉન્ડ શરુ કરવામાં આવશે. સરકારી-ગ્રાન્ટેડ કોલેજોની બેઠકો ભરવા ત્રીજા  રાઉન્ડથી ખાલી બેઠકો ભરવા માટે પ્રયાસ કરવામાં આવશે.દરમિયાન ખાનગી કોલેજોની ખાલી સીટો કોલેજોને પરત કરવામાં આવી છે.ખાનગી કોલેજો 30 ઓક્ટોબર સુધી વિદ્યાર્થીઓને પ્રવેશ આપી શકશે.તેવી પણ માહિતી પ્રાપ્ત થઇ છે.