હેલ્થ ટિપ્સ / રોગપ્રતિકારક શક્તિ વધારવાથી લઈ પોષણ મેળવવા માટે આ ખાસ ટિપ્સ અપનાવી લો

• હેલ્ધી રહેવા આ બાબતોનું ધ્યાન રાખો
• લાઈફસ્ટાઈલમાં આવા ચેન્જિસ તમને રાખશે સ્વસ્થ
• પૂરતું પોષણ મળી રહે તે માટે આ વાતોનું રાખો ધ્યાન

વનસ્પતિ આધારિત ભોજન વધુ કરો

સૌથી પહેલા તો આરોગ્યપ્રદ રહેવા માટે તમારા ભોજનમાંથી માંસાહારી વસ્તુઓ હટાવી લો અને સંતુલિત આહાર માટે ખાવાની અલગ અલગ વસ્તુઓ ખાવી જોઇએ. એકનુ એક ભોજન  ન લેવુ. સાથે વનસ્પતિ આધારિત ખાદ્યપદાર્થો અને શાકભાજી તેમજ ફળો ખાવ. તેમાથી તમને વિટામીન અને મિનરલ્સ મળશે. તમારા આહારમાં અખરોટનો ઉપયોગ વધુ કરો. મીટના બદલે વોલનટ્સ અને બીન્સનો ઉપયોગ કરો.

વધુમા વધુ પાણી પીવો

દિવસમાં કમસે કમ આઠ ગ્લાસ પાણી પીવાથી તમને વારંવાર કંઇક ખાવાની ચાહતમાંથી મદદ મળશે. જે લોકો હંમેશા સક્રિય હોય છે તેમના માટે શરીરનો ભેજ જાળવી રાખવા માટે પણ પાણી પીવુ જરુરી છે. પાણી પીવાથી ભોજન પણ સારી રીતે પચે છે અને ચહેરાની ચમક પણ જળવાઇ રહે છે. 

સ્નેકની માત્રા પર નજર રાખો

લગભગ રોજ દરેક વ્યક્તિ સ્નેક્સ લેતી હોય છે. મોટાભાગના લોકો પોતાનુ ક્રેવિંગ સંતોષવા માટે આમ કરે છે. તમારા સ્નેકસને એ રીતે બનાવો કે તેમાં પ્રોટીન, ફાઇબર અને સારી ફેટનું મિશ્રણ હોય. એક મુઠ્ઠી વોલનટ્સ તમારા માટે બેસ્ટ સ્નેક્સ છે. તેનાથી તમને સંતોષ પણ મળે છે. તમે ઇચ્છો તો વોલનટ્સ સાથે કેટલીક અન્ય વસ્તુઓનો સમાવેશ કરી શકો છો. 

ખાવાના સમયે પરિવાર સાથે બેસીને જમો

મોટાભાગનો સમય ઘરે વિતાવવાના કારણે તમારા પરિવાર સાથે નિયમિત રીતે બેસીને ખાવાનુ હવે શક્ય બન્યુ છે. આ બધા લોકડાઉનમાંથી બહાર આવી જાવ તો પણ નાની નાની વસ્તુઓનો આનંદ લેવાનુ બંધ ન કરો. સાથે બેસીને જમવા જેવી વસ્તુઓ શારીરિક અને માનસિક બંને રીતે આપણી હેલ્થ માટે ખુબ જ સારી છે. 

ન્યુટ્રિશન લેબલને સમજો

સાબુત અને પ્રોસેસ કર્યા વગરના ખાદ્યપદાર્થો ખાવા ખુબ સારી બાબત છે, પરંતુ તે દરેક વખતે શક્ય હોતુ નથી. તેથી પેકેટબંધ પ્રોડક્ટ પર લખેલી સામગ્રીના લિસ્ટ પર હંમેશા ધ્યાન આપો અને સેચ્યુરેટેડ ફેટ, સોડિયમ અને એડેડ શુગર જેવ વસ્તુઓને જરુરથી જુઓ. આ સ્થિતિથી બચવા માટે તમારો સ્નેક શક્ય હોય તો જાતે તૈયાર કરો.