બેસ્ટ ફૂડ / રાતે મોડાં સુધી વાંચતા બાળકોને ખવડાવો આ હેલ્ધી વસ્તુઓ, સ્ટ્રેસ ઘટશે અને મગજ થશે તેજ

• રાતે મોડાં ભૂખ લાગે તો નાના-મોટા સૌ ખાઓ આ હેલ્ધી વસ્તુઓ
• તણાવ ઓછો કરવાથી લઈ વજન કંટ્રોલમાં રાખશે આ ફૂડ
• એક્ઝામ ટાઈમે બાળકોના ખાવા-પીવા પર આપો ખાસ ધ્યાન

નટ્સ અને ફળ

નટ્સ અને ફળો સ્વાસ્થ્ય માટે બેસ્ટ ઓપ્શન છે. તેમાંથી ફાયબર, ફોસ્ફરસ અને વિટામિન્સ સારી માત્રામાં મળી રહે છે. જેથી રાતે ભૂખ લાગે તો આ ઓપ્શન બેસ્ટ છે. તેનાથી વજન પણ કંટ્રોલમાં રહેશે, ભૂખ શાંત થશે, હેલ્થ સારી રહેશે અને મગજ પણ હેલ્ધી રહેશે.

બદામ

જો તમે નિયમિત રીતે રોજ બદામ ખાઓ છો તો તમે બીમારીઓથી બચીને રહી શકો છો. બદામ હાર્ટની બીમારીઓથી પણ બચાવે છે. બદામમાં મોનોઅનસેચુરેટેડ ફેટ, ફાયબર અને એન્ટીઓક્સીડેન્ટ્સ હોય છે. જે શરીરને સ્વસ્થ રાખે છે. જેથી રાતે મોડાં સુધી વાંચતા બાળકોને રાતે પણ ભૂખ લાગે ત્યારે બદામ આપણી, તેનાથી મગજ પણ તેજ થાય છે અને ભૂખ પમ કંટ્રોલમાં રહે છે.

મખાણા

જો તમને દર 2-3 કલાકે ભૂખ લાગે છે તો તમારી ડાયટમાં મખાણા અવશ્ય સામેલ કરો. તેમાં ભરપૂર એન્ટીઓક્સીડેન્ટ્સ હોય છે અને ઓછું ફેટ હોય છે. તેને ખાવાથી વજન તો કંટ્રોલમાં રહે જ છે સાથે જ કંઈક ખાવાની ક્રેવિંગ પણ ઓછી થાય છે. તેનાથી મગજ પણ હેલ્ધી રહે છે. એક્ઝામ ટાઈમે બાળકો માટે આ બેસ્ટ સ્નેક્સ છે. 

વેજિટેબલ ઓમલેટ

વેજિટેબલ ઓમલેટમાં ઘણાં પ્રકારની શાકભાજી નાખવામાં આવે છે. જે બોડીને ફાયબર, પ્રોટીન અને અન્ય કેટલાક પ્રકારના પોષક તત્વો આપે છે. રાતે ભૂખ લાગે તો આ એક બેસ્ટ હેલ્ધી ઓપ્શન છે. તેને ખાવાથી શરીર અને મગજ બંને હેલ્ધી રહે છે અને ભૂખ પણ સંતોષાય છે. 

દલિયા

દલિયામાં ભરપૂર ફાયબર હોય છે. ફાયબર ડાયટમાં લેવાથી વજન કંટ્રોલમાં રહે છે, પાચન સંબંધી સમસ્યાઓ થતી નથી અને બીપી પણ કંટ્રોલમાં રહે છે. રાતે ભૂખ લાગે તો સ્નેકમાં દલિયા ખાવા જોઈએ. તેનાથી બોડીને ભરપૂર એનર્જી અને ન્યૂટ્રિઅન્ટ્સ પણ મળી રહે છે. રાતે વાંચતા બાળકો માટે આ બેસ્ટ સ્નેક છે.