હેલ્થ / મહિલાઓને બ્રેસ્ટ કેન્સરના જોખમથી બચાવે છે આ 6 ફૂડ્સ, ડાયટમાં અવશ્ય ખાઓ

• આજકાલ નાની ઉંમરની મહિલાઓ બ્રેસ્ટ કેન્સરનો શિકાર બને છે
• લાઈફસ્ટાઈલ અને ડાયટમાં ધ્યાન રાખી ઘટાડી શકાય છે જોખમ
• મહિલાઓએ ખાવા જોઈએ હેલ્ધી ફૂડ્સ

આપણી ખાણીપીણીની આદતોને બદલવા તથા વ્યાયામ માટે થોડો સમય ન કાઢી શકવાના ખરાબ પરિણામો આવી શકે છે. ખાસ કરીને એવી ઘટનાઓમાં જ્યાં આ બીમારીનો ઇતિહાસ છે, જૈવિક અને પર્યાવરણ જેવા જોખમ ઊભા કરનારા કારણો તમારા નિયંત્રણમાં નથી, પરંતુ તમે કેટલીક વસ્તુઓને તમારા ભોજનમાં સામેલ કરીને આ રોગથી બચી શકો છો. બ્રેસ્ટ કેન્સરના જોખમને ઘટાડી શકો છો.

ગાજર

ગાજરનો લાલ રંગ તેમા રહેલા બીટા-કેરોટિનના કારણે હોય છે. જે એક કેરોટેનોઇડ છે. જેને માનવ શરીર વિટામિન એમાં બદલી દે છે. તે એન્ટીઓક્સિડેન્ટ હોવાના કારણે કેન્સરની કોશિકાઓને વધતાં રોકે છે. ગાજર બ્રેસ્ટ કેન્સર અને અન્ય બિમારીઓના જોખમને ઘટાડે છે.

બ્રોકલી

થોડી પકવીને ખાધેલી બ્રોકલી બ્રેસ્ટ કેન્સરથી બચવા માટે બેસ્ટ ફૂડ છે. કેમકે તેમાં સલ્ફોરાફેન ઉપલબ્ધ હોય છે. તેમાં રહેલું એન્ટીઈન્ફ્લામેટરી કમ્પાઉન્ડ શરીરમાં બ્રેસ્ટ કેન્સરનુ કારણ બનતા રસાયણોને ખતમ કરવામાં અત્યંત પ્રભાવી સાબિત થાય છે. 

ચણા

ચણામાં ભરપૂર પ્રમાણમાં ન્યૂટ્રિઅન્ટ્સ હોય છે. તે શરીરને તાકાત આપવાની સાથે રોગોથી પણ બચાવે છે. મહિલાઓ માટે ચણા ખૂબ જ લાભકારી હોય છે. તે પ્રોટીન અને ફાયબરનો પણ બેસ્ટ સોર્સ માનવામાં આવે છે. જેથી બ્રેસ્ટ કેન્સરથી બચવા મહિલાઓએ ડાયટમાં ચણા અવશ્ય સામેલ કરવા જોઈએ. 

અળસીના બીજ

અળસીના બીજમાં અત્યંત પ્રભાવી એન્ટીઓક્સિડેન્ટ છે તેમાં લિગનાન્સ હોય છે. તે કેન્સરવાળા ટ્યુમર્સની વૃદ્ધિને અટકાવાની સાથે બીપી અને કોલેસ્ટ્રોલના સ્તરને પણ ઘટાડે છે. તેને ડાયરેક્ટ અથવા ઓટમીલ કે યોગર્ટ સાથે ખાઇ શકાય છે.

ટોફુ

ટોફુ નોન વેજિટેરયન લોકો માટે પ્રોટીનનો સૌથી સારો સ્ત્રોત છે. તે નોનવેજના પ્રોટીનની કમીને પૂર્ણ કરે છે. આ એક ખોટી માન્યતા છે કે ટોફુ મહિલાઓના શરીરને બ્રેસ્ટ કેન્સરના જોખમ વધારે છે, કેમકે તેમાં સોયા હોય છે, જે એસ્ટ્રોજનના સ્તરને વધારે છે. મહિલાઓ માટે ટોફુ ખૂબ જ હેલ્ધી છે. 

ગ્રીન ટી

તેમાં રહેલા બાયોએક્ટિવ કમ્પાઉન્ડ્સ અને એન્ટીઓક્સિડેન્ટ્સ કેન્સરના જોખમને ઘટાડવામાં અત્યંત પ્રભાવી હોય છે. તેનું સેવન હાર્ટની બિમારીઓથી પણ બચાવે છે. તેના સેવનથી વજન પણ ઘટાડી શકાય છે.