શિયાળામાં હેલ્ધી બ્રેકફાસ્ટ બેસ્ટ માનવામાં આવે છે. વેટ લોસ ડાયટ પસંદ કરો છો તો તમે કાકડીની રોટલી ટ્રાય કરી શકો છો. તેનાથી પેટ ભરાશે અને વજન પણ કંટ્રોલમાં રહેશે.
નાસ્તામાં બનાવી લો કાકડીની રોટલી
ડાયટ કરનારા માટે છે બેસ્ટ ઓપ્શન
પેટ ભરાશે અને વજન પણ રહેશે કંટ્રોલમાં
કાકડીની રોટલી કે ખીરા રોટલી એક પ્રસિદ્ધ અને લોકપ્રિય પારંપરિક દક્ષિણ ભારતીય રેસિપી છે. ચટણી કે સાંભરની સાથે તેનો સ્વાદ ખૂબ જ સરસ લાગે છે. ચિરૌટી રવા, નારિયેળ, કાકડીનો ઉપયોગ કરીને આ વાનગી બને છે. આ સ્વાદિષ્ટ રાઈસ બેઝ્ડ નરમ રોટી બનાવવામાં સરળ છે. તેના માટે ખાસ મહેનત રહેતી નથી. સરળ ચીજોની મદદથી તે જલ્દી જ તૈયાર થઈ જાય છે. તમે નાસ્તાના રૂપમાં તેને સરળતાથી ટ્રાય કરી શકો છો. તો જાણી લો તેની સરળ રેસિપી.
સામગ્રી
2 કપ ખમણેલી કાકડી
3/4 કપ કાચું નારિયેળ
જરૂર અનુસાર કોથમીર
3 કાપેલા લીલા મરચા
3 મોટી ચમચી સૂરજમુખીનું તેલ
જરૂર અનુસાર મીઠું
1 કપ રવો
રીત
એક વાટકીમાં ખમણેલી કાકડી લો અને નારિયેળ, કોથમીર, કાપેલા મરચા અને મીઠું મિક્સ કરો. બધી સામગ્રીને મિક્સ કરી લો અને મિશ્રણમાં રવો મિક્સ કરો. આ પછી સારી રીતે હલાવી લો. હવે તવાને ગરમ મૂકો અને તેની પર તેલ નાંખો. એક ગોળો બનાવો અને તેને દબાવીને તેને રોટલીનો આકાર આપો. મીડિયમ ગેસ રાખીને તેને એક મિનિટ સુધી બંને તરફ શેકો. પછી પસંદની ચટણી સાથે સર્વ કરો.