ચેતી જજો! / આ શાકભાજીને મર્યાદીત માત્રામાં જ ખાવા જોઈએ, નહીં તો સાઈડ ઈફેક્ટ્સથી સ્વાસ્થ્યને થઈ શકે છે ગંભીર અસર

• સારા સ્વાસ્થ્ય માટે શાકભાજીનું સેવન જરૂરી 
• હેલ્ધી વસ્તુઓ ખાવામાં પણ રાખવી જોઈએ કાળજી 
• આ શાકભાજીઓ ખાતી વખતે રાખો થોડુ ધ્યાન 

આજકાલ લોકો જાડાપણુ, ડાયાબિટીસ, હાઈ બ્લડ પ્રેશર, હ્રદયરોગ અને બીજી ઘણી બીમારીઓનો શિકાર બની રહ્યા છે. તેથી ડોક્ટરો આપણને હેલ્ધી ડાયટ ખાવાની સલાહ આપે છે. સામાન્ય રીતે એવું માનવામાં આવે છે કે શાકભાજીનું સેવન આપણા સ્વાસ્થ્ય માટે ખૂબ જ ફાયદાકારક હોય છે અને આ વાત ઘણી હદ સુધી સાચી પણ છે, પરંતુ કેટલીક શાકભાજી એવી હોય છે જેને થોડી કાળજી રાખીને ખાવી જોઈએ નહીં તો ફાયદાની જગ્યા પર તમારે નુકસાન સહન કરવું પડી શકે છે.

સંભાળીને આખો આ શાકભાજી 
ફુલાવર 
ફુલાવર એક એવું શાક છે જેનો ઉપયોગ હેલ્ધીથી લઈને ફાસ્ટ ફૂડમાં થાય છે. જો કે કેટલાક લોકોને આ શાક ખાવાથી એસિડિટી અને પેટનું ફૂલવા જેવી સમસ્યાઓ થઈ શકે છે. ફુલાવરમાં ઘણા પ્રકારના પોષક તત્વો જોવા મળે છે. પરંતુ તેનાથી પાચન સંબંધી સમસ્યાઓ પણ થાય છે. એવામાં ધ્યાન રાખો કે ફુલાવર ક્યારેય કાચુ ન ખાવું જોઈએ નહીંતર તમને પેટમાં દુખાવો થઈ શકે છે.

મશરૂમ
મશરૂમ એક મોંઘુ ફૂડ છે પરંતુ તેના ફાયદા ઘણા છે. તેને વિટામિન ડીનો રિચ સોર્સ માનવામાં આવે છે. જો કે જો કોઈને એલર્જીની સમસ્યા છે. તો તેણે તેને ખાતા પહેલા થોડી સાવચેતી રાખવી જોઈએ કારણ કે તેનાથી ત્વચાની સમસ્યાઓ થઈ શકે છે. આ માટે તમારે ડૉક્ટરની સલાહ લેવી જોઈએ.

ગાજર
તમે ગાજરનો હલવો તો ખાધો જ હશે. પરંતુ જો તમે તેના પોષક તત્વોનો ભરપૂર લાભ લેવા માંગતા હોવ તો તેને કાચું ખાઓ તો સારું, પરંતુ ઘણા સ્વાસ્થ્ય નિષ્ણાંતો માને છે કે ગાજરનું સેવન મર્યાદિત માત્રામાં જ કરવું જોઈએ કારણ કે તેમાં કેરોટીનનું પ્રમાણ ખૂબ વધારે હોય છે અને તેના કારણે ત્વચાનો રંગ પીળો થઈ શકે છે.

બીટ
બીટરૂટનું સેવન સલાડ અને જ્યુસના રૂપમાં કરવામાં આવે છે. જેના અનેક ફાયદા છે. પરંતુ જો તમે જરૂરિયાત કરતા વધુ બીટરૂટ ખાશો તો તમારા પેશાબનો રંગ ગુલાબી અથવા લાલ થવા લાગશે. જો કે તે એટલું ખતરનાક નથી, પરંતુ જો તમે તેનું મર્યાદિત માત્રામાં સેવન કરશો તો તે વધુ સારું રહેશે.