- શું તમને પણ ભોજન કર્યા પછી વારંવાર ભૂખ લાગે છે?
- આ કોઈ સામાન્ય લક્ષણ નથી
- પૂરતી ઊંઘ લેવી જરૂરી છે
શું તમને પણ ભોજન કર્યા પછી વારંવાર ભૂખ લાગે છે? પેટ ભરેલુ હોવા છતાં કંઈક ખાવાની ઈચ્છા થાય છે, તો સાવધાન થઈ જાઓ. આ કોઈ સામાન્ય લક્ષણ નથી. વારંવાર ભૂખ લાગવથી અને ભોજન કરવાથી વજન વધી શકે છે. જેના કારણે અન્ય તકલીફ પણ થઈ શકે છે. ભોજન કર્યા પછી વારંવાર ભૂખ શા માટે લાગે છે, તે અંગે અહીંયા જાણકારી આપવામાં આવી છે.
અનિંદ્રા
આરોગ્ય નિષ્ણાંત અનુસાર અનિંદ્રાને કારણે વારંવાર ભૂખ લાગી શકે છે. તમામ લોકોએ 7થી 8 કલાકની પૂરતી ઊંઘ લેવી જોઈએ. જેથી રોગ પ્રતિકારક શક્તિમાં વૃદ્ધિ થાય છે. સારી ઊંઘ આવે તો પાચન ક્રિયામાં પણ સુધારો થાય છે. ઊંઘ પૂરી ના થાય તો ભૂખનો સંકેત આપનાર ઘ્રેલિન હોર્મોનમાં વૃદ્ધિ થાય છે. જેના કારણે વાંરવાર ભૂખ લાગે છે. આ કારણોસર પૂરતી ઊંઘ લેવી જરૂરી છે.
ડાયાબિટીસ
ડાયાબિટીસના કારણે પણ વારંવાર ભૂખ લાગૂ શકે છે. ડાયાબિટીસના દર્દીઓમાં ગ્લુકોઝ સેલ્સ સુધી પહોંચી શકતું નથી. જેના કારણે એનર્જી યૂરિન માર્ગે બહાર નીકળી જાય છે. અનેક વાર શુગર લેવલ હાઈ થવાને કારણે ભૂખ વધુ લાગે છે.
થાઈરોઈડ
થાઈરોઈડના દર્દીઓને વારંવાર ભૂખ લાગે છે. થાઈરોઈડ હોર્મોન વધી જવાને કારણે હાઈપરથાઈરાયડિઝ્મ થાય છે. આ એક ગ્રેવ્સ બિમારી હોય છે. જેના કારણે વ્યક્તિને એવું લાગે છે કે, તેમનું પેટ ખાલી છે અને ખાવાની ઈચ્છા થાય છે.
પ્રોટીનની ઊણપ
તમે ડાયટમાં યોગ્ય પ્રોટીન નથી રહ્યા, તો તમને વારંવાર ભૂખ લાગી શકે છે. આ કારણોસર પ્રોટીનની મદદથી જ આ હોર્મોનનું નિર્માણ થાય છે, જે ભૂખ પૂર્ણ થવાનો સંકેત આપે છે. નેશનલ લાઈબ્રેરી ઓફ મેડિસિન રિસર્ચ અનુસાર ભોજનમાં પર્યાપ્ત માત્રામાં પ્રોટીન હોય, તો વધુ સમય સુધી ભૂખ લાગતી નથી. તેથી ભોજન કર્યા પછી પણ ભૂખ લાગે તો ડાયટમાં પ્રોટીનયુક્ત આહાર શામેલ કરવો જોઈએ.
તણાવ
વધુ પડતા સ્ટ્રેસના કારણે પણ વારંવાર ભૂખ લાગે છે. આરોગ્ય નિષ્ણાંત અનુસાર વધુ તણાવ લેવામાં આવે તો શરીરમાં કાર્ટિસોલ હોર્મોન વધી જાય છે. ડિપ્રેશન, તણાવમાં પણ વધુ ભૂખ લાગે છે.
(Disclaimer: આરોગ્ય અને સુખાકારી હેઠળ પ્રકાશિત સામગ્રી સામાન્ય જાણકારી ઉપલબ્ધ કરાવે છે. અહીં પ્રકાશિત લેખ તબીબ, વૈદ્ય, નિષ્ણાત અને રિસર્ચ આધારિત નિષ્કર્ષ પર છે. તમામ નિર્દેશોનું પાલન કરી વાંચકોની જાગૃતિ વધારવાના હેતુથી આ સામગ્રી તૈયાર કરાઈ છે. આ લેખ કોઈ પણ રીતે યોગ્ય ઉપચારનો વિકલ્પ નથી, વધુ જાણકારી માટે હંમેશા નિષ્ણાત કે આપના ચિકિત્સકની સલાહ લેવી. vtvgujarati.com આ જાણકારી માટે જવાબદારીનો દાવો કરતું નથી.)
