હેલ્થ / ડૉક્ટર પાસે જવાની નહીં પડે જરૂર, ઘરના રસોડામાં રહેલી આ વસ્તુઓ જ મટાડી દેશે શરદી-ઉધરસ

• શિયાળામાં શરદી ખાંસીની સમસ્યાથી બચાવશે આ વસ્તુઓ 
• ડોક્ટર પાસે જવાની નહીં પડે જરૂર 
• જાણો ઘરના રસોડામાં રહેલી ચમત્કારી ઔષધિઓ વિશે

શિયાળામાં શરદી, ઉધરસ અને ઇન્ફેક્શનની સમસ્યા સામાન્ય છે, પરંતુ તે દર્દીને ખૂબ જ પરેશાન કરે છે. ઘણી વખત તો અસહ્ય થઈ જાય છે. નાક વહેતું રહે છે, ગળું ખરાબ થઈ જાય છે, કળતર થાય છે. આવા કિસ્સામાં આરામ ખૂબ જ જરૂરી બની જાય છે. આ સાથે જ લોકો શરદી ઉધરસ અને તાવથી રાહત મેળવવા માટે ઘરેલુ નૂસખા પણ કરવા લાગે છે. તેઓ ગરમ પાણી અને સૂપ પીને રાહત મેળવવાનો પ્રયાસ કરે છે. ત્યારે તમે શિયાળામાં જો શરદી ઉધરસ કે તાવથી બચવા માગતા હોવ તો આ વસ્તુઓનું સેવન કરો.

આદું
શરીરમાં રહેલા કફની તકલીફને દૂર કરવા આદું ખૂબ જ અસરકારક છે. જો તમને છાતીમાં ભરાવો, નાક બંધ થવું, ઉધરસ અને કફને કારણે ગળામાં દુ:ખાવો અનુભવ થતો હોય તો આદુંનો એક કપ ગરમ સૂપ અથવા પાણી પીવો. તમને ઘણી રાહત થશે.

મધ
મધ પણ શરદી ઉધરસ જેવી સમસ્યામાં રાહત આપી શકે છે. તેમાં એન્ટી વાઈરલ, એન્ટી ફંગલ અને ફાઈટોન્યુટ્રીએન્ટ્સ ગુણ હોય છે. નેશનલ ઇન્સ્ટિટ્યૂટ ફોર એન્ડ કેર એક્સેલન્સે એન્ટિબાયોટિક્સમાં ઉધરસની સારવાર માટે મધના ઉપયોગની ભલામણ કરી હતી.

લસણ
લસણ રોગપ્રતિકારક શક્તિને મજબૂત બનાવે છે અને તેના એન્ટિ-બેક્ટેરિયલ, એન્ટીવાઈરલ અને એન્ટિઓક્સિડન્ટ્સ શરીરને શરદી, ઉધરસ અને છાતીનાં ઇન્ફેક્શન બચાવવામાં મદદ કરે છે. લસણ શ્વસન રોગોને શરીર પર હાવી થવા દેતું નથી અને ક્રોનિક બ્રોન્કાઇટિસ જેવી સમસ્યાઓને અટકાવે છે.

દહીં
દહીં સામાન્ય શરદીની સમસ્યાને દૂર કરવામાં મદદ કરી શકે છે. દહીં અંગે એવાં ઘણાં સંશોધનો દાવો કરે છે કે, દહીં શરદીનાં લક્ષણોને ઘટાડી શકે છે. દહીંમાં રહેલા પ્રોબાયોટિક્સ રોગપ્રતિકારક શક્તિ મજબૂત કરવામાં મદદ કરે છે.

ઓટ્સ
ઓટ્સ ખાવાથી રોગપ્રતિકારક શક્તિ વધે છે. જેના કારણે શરદી, ઉધરસ અને તાવની સ્થિતિમાં શરીર ઝડપથી રિકવર થઈ શકે છે. ઓટ્સ ખાવાથી શરીરને અનેક ફાયદા થાય છે. તેમાં રહેલાં પોષક તત્ત્વો શરીરને તંદુરસ્ત બનાવે છે.

મશરૂમ
ઓસ્ટ્સની જેમ મશરૂમ પણ શરીર માટે ખૂબ જ ફાયદાકારક છે. મશરૂમના કારણે શરીર રોગોથી બચી શકે છે. તેમાં રોગપ્રતિકારક શક્તિ મજબૂત કરવાની ક્ષમતા હોવાનું માનવામાં આવે છે. શરદી અને ઉધરસમાં રાહત માટે મશરૂમનો ઉપયોગ થઈ શકે છે.