ટીપ્સ / રાત્રે કસરત કરો છો તો પહેલાં આ વાંચી લેજો, આ વસ્તુને ધ્યાનમાં નહિ રાખો તો આવી શકે છે હાર્ટએટેક

• કયા સમયે એક્સર્સાઇઝ કરવી તે મહત્ત્વનું નથી
• આખો દિવસ સમય ન મળે તો રાતે જીમમાં જવામાં વાંધો નથી
• ભરેલા પેટે કરેલી એક્સર્સાઇઝ હાર્ટએટેકને આમંત્રણ આપે છે

હાવર્ડ્ મેન્સ હેલ્થના એક અહેવાલ મુજબ રાત્રે સુવાના એકાદ કલાક પહેલા કરવામાં આવતી ભારે એક્સર્સાઇઝ કે ભારે એક્ટિવિટી ઉંઘમા ખલેલ પહોંચાડી શકે છે, જ્યારે સાંજે સુવાના ત્રણથી ચાર કલાક પહેલા કરવામાં આવતી એક્સર્સાઇઝથી મીઠી ઉંઘ આવે છે. જે લોકો ક્યારેય એક્સર્સાઇઝ કરતા ન હોય અને અચાનક રાતે એક્સર્સાઇઝ કરવાનુ શરુ કરી દે તો તેમની બોડી સાઇકલ ડિસ્ટર્બ થઇ શકે છે. જો રાતે થોડી હળવી એક્સર્સાઇઝ કરવામાં આવે તો કંઇ વાંધો આવતો નથી. જે વ્યક્તિને ઘણા સમયથી સવારે એક્સર્સાઇઝ કરવાની આદત હોય અને અચાનક રાતે કરવાનુ શરુ કરી દે તો પણ ઉંઘનો પ્રોબલેમ થઇ શકે છે. 

ડાયેટમાં ધ્યાન રાખો

માત્ર કયા સમયે એક્સર્સાઇઝ કરવી તે મહત્ત્વનું નથી, પરંતુ ડાયેટ પણ એટલું જ મહત્ત્વનુ છે. તમે કેવા પ્રકારની એક્સર્સાઇઝ કરો છો તે અનુસાર તમારે તમારા ડાયેટનું પણ ધ્યાન રાખવુ જોઇએ. એક્સર્સાઇઝ કર્યા બાદ કાર્બોહાઇડ્રેડનો ઇનટેક લેવો મહત્ત્વનો છે. જોકે એક્સર્સાઇઝ કરનારા લોકો રાતે કાર્બ લેવાનુ ટાળે છે. શરીરને એનર્જેટિક રાખવા માટે પ્રોટીનની સાથે કાર્બની પણ જરુર પડે છે. જો કાર્બ ઝીરો થઇ જશે તો ઉંઘ પણ નહીં આવે. એક્સર્સાઇઝ પહેલા જેમ એનર્જી માટે ખાવુ પડે છે, તેમ એક્સર્સાઇઝ પછી પણ ખાવું પડે છે. 
હળવું વર્ક આઉટ કરો

લાઇટ એક્સર્સાઇઝ કે વોકિંગ રાતે કરવામાં કોઇ પ્રોબલેમ નથી. આખો દિવસ સમય ન મળે તો રાતે જીમમાં જવામાં વાંધો નથી, પરંતુ થોડા વહેલા જવું. જો જીમમાં ન જાવ તો ઘરે હળવી કસરત કે વોકિંગ કરી લેવાય. હળવું વર્કઆઉટ બધાને ફળે છે. કેટલાક લોકો જમીને અડધો કલાકમાં જિમમાં જાય છે. ભરેલા પેટે કરેલી એક્સર્સાઇઝ હાર્ટએટેકને આમંત્રણ આપે છે.