હેલ્થ ટિપ્સ / ભયાનક રોગોથી બચવા માટે નવા વર્ષમા અપનાવો રોજ આટલી ટેવો

• ભયાનક રોગોથી મેળવો મુક્તિ 
• અપનાવો અવનવા નુસખા
• સુર્યોદય પહેલા ઉઠો

બ્રહ્મ મુહુર્તમાં ઉઠો. દરેક ઋતુ મુજબ સુર્યોદયનો સમય થોડીક મિનિટ ઓછો વધતો થતો હોય છે. તેથી મિનિટોને ધ્યાનમા ન લેતા જો સવારે 5.30 વાગ્યે ઉઠી જવામાં આવે તો તે ઉત્તમ છે. આ સમયે ઉઠવાથી સ્વાભાવિક રીતે પેટનો કચરો બહાર નીકળી જશે. સુરજ માથે ચડી જાય ત્યાં સુધી સુતા રહેવાથી લાંબે ગાળે રોગો થવાની સંભાવના વધી જતી હોય છે. 

રાત્રે તાંબાના લોટામા ભરેલુ પાણી પીવો

રાત્રે તાંબાના લોટામાં ભરીને રાખેલુ પાણી વહેલી સવારે ઉઠીને પી લેવાથી સ્વાસ્થ્ય સારુ રહે છે. તાંબાના લોટામા ભરેલુ પાણી પીવાથી તે શરીરમાં ખનીજ તત્વોની પૂરતી કરે છે અને અનેક રીતે ગુણકારી પણ છે. નિયમિત આ આદત પાળનારાનુ શરીર રોજરોજ ડિટોક્સ થતુ રહે છે. તેમને કોઇ ફાકી કે રેચ લેવાની જરુર પડતી નથી.

સવારે ઉઠીને સુર્યને અર્ધ્ય ચડાવો

સૂર્યને અર્ધ્ય ચઢાવવુ આ આદત કદાચ તમને વધુ ધાર્મિક લાગી શકે છે, પરંતુ તે સ્વાસ્થ્ય સાથે સંકળાયેલી આદત છે. આ પરંપરા પાછળનો હેતુ આમ તો સુર્ય દેવને નમન કરવાનો છે, દિવસની શરુઆત શાંત ચિત્તે થાય ત્યારે મન અને મગજ સ્વસ્થ અને શાંત ચિત્તે કામ કરી શકે છે. તમે પાંચથી દસ મિનિટ સુર્યને અર્ધ્ય ચઢાવતા તડકામાં રહીને શરીરને તે સમય દરમિયાન વિટામીન ડી મળે છે જે શરીર માટે સારુ હોય છે.

સીઝનલ અને લોકલ ફુડ ખાવ

કુદરતી રીતે પાકતા સીઝનલ ફળો અને શાકભાજીનો જ ખાવામાં ઉપયોગ કરો. ગરમી, ઠંડી કે વરસાદમાં જે વનસ્પતિઓ, ફળો અને ધાન્યો ઉગતા હોય તે સીઝન માટે તે જ આપણી પાચનક્રિયાને માફક આવતી હોય છે. દુનિયામા બીજી બધી જગ્યાએ ઉગતા એક્ઝોટિક ફળો ખાવાના બદલે આપણી આસપાસમાં જ નજીકના વિસ્તારમાં ઉગતા લોકલ ફળો, શાકભાજી અને ધાન્યનો જ ઉપયોગ કરો.

ભોજન ખાવો અને પાણી પીવો

મોટાભાગે ભારતીય ભોજન હાથેથી જ આરોગી શકાય તેવુ હોય છે, પરંતુ દાળ-ભાત, ખીચડી અને સેમી લિક્વીડ વાનગીઓ પણ હાથેથી જ ખાવી. ભોજનનો કોળિયો એટલીવાર ચાવવો કે જ્યાં સુધી તે લિકવીડ ના બની જાય અને પાણી એકધારુ ગટગટાવી જવાના બદલે એક એક ઘુંટડો લો તે રીતે પીવું જોઇએ.