આરોગ્ય / તમને પણ વસ્તુઓ રાખીને ભૂલવાની આદત છે? આ ટિપ્સથી મેમરી થશે પાવરફૂલ

ખરાબ જીવનશૈલી અને અનહેલ્ધી ડાયના કરને મગજના સ્વાસ્થ્ય પર ખોટી અસર પડી શકે છે, જેના કારણે મેમરી લોસ જેવી સમસ્યાનો શિકાર બનાય છે. ઘણા લોકો ચીજવસ્તુને ક્યાંકને ક્યાંક મુકીને ભૂલી જતા હોય છે. જો તમે પણ આ સમસ્યાના દર્દી છો તો તમે અમુક ટિપ્સ ફોલો કરીને આ સમસ્યાથી છુટકારો મેળવી શકો છો.

મેડીટેશન કરવું

જો તમને ભૂલવાની બીમારી હોય તો તમારે ડેલી રૂટીનમાં મેડીટેશનને સામેલ કરવું જોઈએ. મેડીટેશન કરવાથી સ્ટ્રેસ દૂર થાય છે અને સાથે સાથે તમારું ફોકસ, મેમરી અને મેન્ટલ હેલ્થ પણ સુધરે છે.  

હેલ્ધી ડાયટ

ફળો, શાકભાજી, અનાજ અને દુર્બળ પ્રોટીન ધરાવતા તંદુરસ્ત અને સંતુલિત આહારના પ્લાનને ફોલો કરીને તમારી યાદશક્તિને સુધારી શકાય છે. ભૂલવાની બીમારીથી છુટકારો મેળવવા માટે દરરોજ લિમિટમાં રહીને ડ્રાય ફ્રુટ્સનું જરૂરથી સેવન કરવું.

ફીઝીકલ એક્ટીવીટી

મેમરીને સુધારવા માટે ફીઝીકલ એક્ટીવીટી ખુબ જરૂરી છે. યાદશક્તિ મજબૂત કરવા માટે દરરોજ એક્સરસાઇઝ કરવાનો નિયમ બનાવવો જોઈએ. એક્સરસાઇઝની ઓલઓવર હેલ્થ પર પોઝિટિવ અસર પડે છે.  

સોશિયલ મીડિયાથી દૂર રહેવું

જો તમે ભૂલવાની બીમારીની ઝપટમાં આવી ગયા છો તો તમારે સોશિયલ મીડિયાનો ઉપયોગ શક્ય હોય તેટલો ટાળવો જોઈએ. હકીકતમાં તો વધારે સોશિયલ મીડિયાનો ઉપયોગ કરવાથી પણ મેમરી પર ખોટી અસર પડે છે. જો તમે તમારી યાદશક્તિને સુધારવા ઇચ્છતા હોય તો તમારે સોશિયલ મીડિયાનો બને તેટલો ઓછો ઉપયોગ કરવો જોઈએ.  

વધુ વાંચો: જો-જો ક્યારેય આવી ભૂલ ન કરતા, નહીંતર સીધા હેકર્સ પાસે જતા રહેશે વોટ્સએપના એક્સેસ

સાઉન્ડ સ્લીપ

જો તમે તમારી બ્રેઈન હેલ્થને મજબુત બનાવવા ઈચ્છતા હોય તો દરરોજ 7-8 કલાક સાઉન્ડ સ્લીપ લેવાનું શરુ કરવું જોઈએ. ઊંઘની ઉણપથી પણ મેન્ટલ હેલ્થ પર ખોટી અસર પડી શકે છે અને તમે ભૂલવાની બીમારીના શિકાર બની શકો છો.

બધાજ સમાચાર અને અપડેટ્સ મેળવવા માટે પ્લેસ્ટોર/ એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ