સાવધાન / બાળકો પણ બની શકે છે High BPનો શિકાર, એક્સપર્ટે જણાવ્યું આવા લક્ષણો ભૂલથી પણ ના કરતા નજરઅંદાજ

• બાળકોને પણ થઈ શકે છે હાઈ બીપીની સમસ્યા 
• એક્સપર્ટ્સે જણાવ્યું શું રાખી શકાય કાળજી 
• આવા લક્ષણો ભૂલથી પણ ના કરતા નજર અંદાજ 

હાઈ બીપી ડાયાબિટીસ એવી સ્વાસ્થ્ય સમસ્યાઓ છે જે આજે સામાન્ય થઈ ગઈ છે. તેમના દર્દીઓ દવાઓ લઈને અને યોગ્ય ડાયેટ ફોલો કરીને જીવન જીવે છે. હાઈ બ્લડની સમસ્યા આજકાલ ખૂબ જ સામાન્ય બની રહી છે. તેની પાછળનું કારણ ખરાબ જીવનશૈલી અને ખોરાક હોઈ શકે છે. હાઈ બ્લડ પ્રેશરનો રોગ હવે બાળકોમાં પણ જોવા મળી રહ્યો છે. હાઈ બ્લડ પ્રેશરના કેસો જેને તબીબી ભાષામાં હાઈપરટેન્શન કહેવામાં આવે છે બાળકોમાં નોંધપાત્ર રીતે વધી રહ્યા છે.

બાળકોમાં જોવા મળે છે હાઈ બીપીના આવા લક્ષણો 
ડો.કિશોરનું માનવું છે કે બાળકોમાં હાઈ બ્લડ પ્રેશરના લક્ષણો સીધા દેખાતા નથી. બાળકમાં માથાનો દુખાવો, ચીડિયાપણું અને સ્ટ્રેસ જેવા લક્ષણો જોવા મળે છે. નિષ્ણાંત અનુસાર જો બાળકના માથામાં સતત દુખાવો થતો હોય તો આ સમસ્યાને બિલકુલ અવગણવાની ભૂલ ન કરો. આવી સ્થિતિમાં તરત જ ડોક્ટર પાસે જાઓ અને તેની સારવાર કરાવો.

બાળકોમાં હાઈ બ્લડ પ્રેશરનાં કારણો

• નિષ્ણાંત અનુસાર બાળકોમાં હાઈપરટેન્શનના કેસ વધુ વધી રહ્યા છે અને તેની પાછળનું મુખ્ય કારણ સ્ટ્રેસ છે. પહેલા ધોરણમાં ભણતા બાળકને પણ હાઈ બીપીની સમસ્યા થઈ શકે છે. અભ્યાસનો બોજ પરિવારનું દબાણ આવા અનેક કારણો છે જેના કારણે બાળક આ ગંભીર બીમારીનો શિકાર બની શકે છે.
• બાળકોમાં ઓછી શારીરિક પ્રવૃત્તિને કારણે તેઓ સરળતાથી રોગોના ઝપેટામાં આવી જાય છે. બાળકો ઘરમાં જ રહે છે અને મોબાઈલ કે ટીવી પર વધુ સમય વિતાવે છે. આ બાબતો તેમના માનસિક સ્વાસ્થ્યને અસર કરે છે અને ધીમે ધીમે બાળક તણાવ અનુભવવા લાગે છે.
• ગમે તે ખાવાની આદત પણ હાઈ બીપીના દર્દી બનાવી શકે છે. આજકાલ માતા-પિતા પોતાનું ટેન્શન દૂર કરવા માટે બાળકોને પેકેટ કે જંક ફૂડ આપે છે. આના કારણે તેમની ઈચ્છા પૂરી થશે, પરંતુ સ્વાસ્થ્યને ગંભીર નુકસાન સહન કરવું પડી શકે છે.

બાળકોને આ રીતે હાઈ બીપીથી બચાવો 
જો બાળકને હાઈ બીપી કે અન્ય સમસ્યાઓથી બચાવવું હોય તો તેની સાથે પાર્કમાં જઈને શારીરિક પ્રવૃત્તિ કરો. આ સિવાય તેને દિવસમાં એકવાર લીલા શાકભાજી ખવડાવો. જંક અથવા પેકેટ ફૂડથી દૂર રાખો તે માત્ર બાળકો માટે જ નહીં પરંતુ વડીલો માટે પણ ખૂબ ફાયદાકારક સાબિત થઈ શકે છે. નિષ્ણાતો કહે છે કે બાળકોમાં હાઈ બીપીના કેસ ત્યારે જ ઘટશે જ્યારે માતા-પિતા તેમના સ્વાસ્થ્યની કાળજી લેવા માટે સતર્ક રહેશે.