જો તમે પણ વર્કઆઉટ કર્યા પછી ઠંડુ પાણી પીતા હોવ તો બંધ કરી દેજો. કારણ કે આમ કરીને તમે ઘણી બીમારીઓને આમંત્રણ આપી રહ્યા છો.
વર્કઆઉટ બાદ તમે પણ પીવો છો ઠંડુ પાણી?
ઘણી બીમારીઓને આપી રહ્યા છો આમંત્રણ
જાણો તેના નુકસાન વિશે
શું તમે પણ વર્કઆઉટ પછી ઠંડુ પાણી પીઓ છો? જો હા, તો આજથી જ બંધ કરી દેજો. કારણ કે આનાથી તમે અનેક પ્રકારના રોગોને આમંત્રણ આપી રહ્યા છો. આમાં હાર્ટ એટેકથી લઈને વજન વધવા સુધીનો સમાવેશ થાય છે. આ જ કારણ છે કે નિષ્ણાતોનું માનવું છે કે વર્કઆઉટ પછી ઠંડુ પાણી ન પીવું જોઈએ. આ સિવાય બીજી કઈ કઈ સમસ્યાઓ થઈ શકે છે આવો જાણીએ.
શા માટે ન પીવું જોઈએ ઠંડુ પાણી?
હકીકતે વર્કઆઉટ કર્યા પછી તમારું શરીર ગરમ થાય છે. આવી સ્થિતિમાં જ્યારે તમે ઠંડુ પાણી પીવો છો ત્યારે તે અચાનક તમારા શરીરનું તાપમાન ઓછુ કરી દે છે. જે તમારી વર્કઆઉટની મહેનતને બગાડી શકે છે.
હાર્ટ રેટ પર પણ થઈ શકે છે અસર
આ સિવાય વર્કઆઉટ પછી ઠંડુ પાણી પીવાની અસર હાર્ટ રેટ પર પણ પડે છે. હકીકતે વર્કઆઉટ દરમિયાન તમારી નસોમાં ઝડપથી બ્લડ સર્કુલેશન થાય છે. આવી સ્થિતિમાં જ્યારે તમે અચાનક ઠંડા પાણીનું સેવન કરો છો તો તે તમારી નસોને ખૂબ જ ઝડપથી ઠંડુ કરી શકે છે.
થઈ શકે છે માથાના દુખાવાની સમસ્યા
વર્કઆઉટ કર્યા પછી જેવું તમે ઠંડુ પાણી પીશો તો તમને માથાનો દુખાવો પણ થઈ શકે છે. સાઇનસના દર્દીઓએ ઠંડુ પાણી બિલકુલ ન પીવું જોઈએ. કારણ કે તેનાથી તમારી પરેશાની વધી શકે છે.
પાચનક્રિયા પર પણ પડે છે અસર
આ સિવાય તમારી પાચનક્રિયા પણ પ્રભાવિત થઈ શકે છે. હકીકતે ભારે વર્કઆઉટ પછી અચાનક ઠંડુ પાણી પીવાથી તમારા શરીરમાં ઠંડક-ગરમીની સ્થિતિ પેદા થવાની સંભાવના છે. જેના કારણે તમારે પેટમાં દુખાવો, ચૂંક આવવી અને પાચન સંબંધીત સમસ્યાઓનો સામનો કરવો પડી શકે છે.