29 સપ્ટેમ્બરને 'વર્લ્ડ હાર્ટ ડે' તરીકે ઉજવવામાં આવે છે. દુનિયામાં હાલમાં લાખો લોકો છે જે હાર્ટ સાથે જોડાયેલી બિમારીઓનો શિકાર છે. સપ્ટેમ્બર મહિનાના છેલ્લા અઠવાડિયામાં આ દિવસ ઉજવવામાં આવે છે. 2019ના વર્ષ માટે 'વર્લ્ડ હાર્ટ ડે'નો થીમ માય હાર્ટ, યોર હાર્ટ (MY Heart, Your Heart) રાખવામાં આવ્યો છે.
29 સપ્ટેમ્બરને 'વર્લ્ડ હાર્ટ ડે' તરીકે ઉજવવામાં આવે છે
2019ના વર્ષ માટે 'વર્લ્ડ હાર્ટ ડે'નો થીમ માય હાર્ટ, યોર હાર્ટ છે
સપ્ટેમ્બર મહિનાના છેલ્લા અઠવાડિયામાં આ દિવસ ઉજવાય છે
હાર્ટની બિમારીઓમાં હાર્ટ એટેકની સમસ્યા વધારે જોવા મળે છે. આ બિમારીનું મુખ્ય કારણ ખાણીપીણીની આદતો હોય છે. શરીરમાં બ્લડ સર્ક્યુલેશન હાર્ટથી થાય છે. જે શરીરના અનેક ભાગમાં શુદ્ધ લોહી પહોંચાડે છે. હાર્ટની બિમારી રોકવા કોલેસ્ટ્રોલ લેવલને કંટ્રોલ કરવું જરૂરી છે. જો થોડી સાવધાની રાખવામાં આવે તો હાર્ટની બિમારીઓથી બચી શકાય છે.
'વર્લ્ડ હાર્ટ ડે' હિસ્ટ્રી
'વર્લ્ડ હાર્ટ ડે'ને દર વર્ષે સપ્ટેમ્બરમાં ઉજવવામાં આવે છે. 2000 વર્ષથી વર્લ્ડ હાર્ટ ફેડરેશન દ્વારા ઉજવવામાં આવે છે. હાર્ટના રોગને લઈને દર વર્ષે નવી થીમ બનાવવામાં આવે છે.
2019માં વર્લ્ડ હાર્ટ ડે માટેનો થીમ
'વર્લ્ડ હાર્ટ ડે' થીમ માટે આ વર્ષે માય હાર્ટ, યોર હાર્ટ થીમ નક્કી કરવામાં આવ્યો છે. હાર્ટની સાથે જોડાયેલી વાતોને ઉત્સવ રૂપે મનાવવામાં આવે છે. વર્લ્ડ હાર્ટ ફેડરેશન અનુસાર સમય પહેલાં થનારા મૃત્યુમાં ઓછામાં ઓછું 80 ટકા કારણ હાર્ટનું હોય છે. જેમાં ખોટી ખાણીપીણીની આદત, તમાકુનો ઉપયોગ, કસરતનો અભાવ અને દારૂનું સેવન જવાબદાર રહે છે.
આ ટિપ્સથી ઘટશે હાર્ટના રોગનો ખતરો
સ્મોકિંગ ટાળો
સ્મોકિંગની આદત છોડી દેવાથી હાર્ટની બિમારીનો ખતરો ઘટે છે. સાથે જ નાની નાની કસરતો જાતે જ કરવી.
રોજ કરો કસરત
એક શોધ અનુસાર હાર્ટના રોગીએ અઠવાડિયામાં 2-3 વાર 30 મિનિટ કસરતોને પણ પ્રાધાન્ય આપવું અને શરીરને ફિટ રાખવું.
રેડ વાઈન પીવું
રેડ વાઈન હાર્ટ માટે હેલ્ધી ગણવામાં આવે છે. તે સારા કોલેસ્ટ્રોલને વધારે છે. લોહીમાં થતા ગટ્ઠા અને ધમનીઓમાં ફરતા લોહીને પણ ધીમું કરે છે.
મીઠાનો પ્રયોગ કરો ઓછો
મીઠું સીમિત પ્રમાણમાં લેવાથી હાર્ટ હેલ્ધી રહે છે. વધારે મીઠું ખાનારા લોકોને હાઈ બીપી અને હાર્ટ એટેકનો ખતરો વધારે રહે છે. ફાસ્ટફૂડમાં મીઠાનું પ્રમાણ વધારે હોય છે. શક્ય હોય ત્યાં સુધી તેનો ઉપયોદગ ઘટાડો.
ડાર્ક ચોકલેટ ખાઓ
ડાર્ક ચોકલેટમાં એન્ટીઓક્સીડન્ટ્સ અને ફ્લેવોનોઈડ્સ હોય છે જે હાર્ટને હેલ્ધી રાખે છે. રાત્રે જમ્યા પછી એક ટુકડો ડાર્ક ચોકલેટ ખાવાથી તમારું હાર્ટ હેલ્ધી રહે છે.