જ્યારે આપણાં શરીરમાં કોઈ તકલીફ થવા લાગે છે તો આપણું શરીર કોઈને કોઈ રીતે આપણને સંકેત આપે છે. જેને આપણે ગંભીરતાથી લેતા નથી અને એ સમસ્યા વધવા લાગે છે. જેથી સમય રહેતા આ તકલીફોને ઓળખી લેવાથી ભવિષ્યમાં વધતી સમસ્યાને રોકી શકાય છે. એવી જ રીતે ઘણાં કારણોસર આજકાલ પુષ્કળ પ્રમાણમાં વાળ ખરે છે અને અન્ય સમસ્યાઓ થાય છે, ચાલો જાણી લો.
આ સંકેત જણાય તો બેદરકારી ન કરતાં
આવી સમસ્યાને કારણે ખરે છે વાળ
તમને રોગિષ્ઠ બનાવી શકે છે આ સમસ્યાઓ
વાળ
યુવાનીમાં જ વાળ ખરવા લાગે તેની પાછળ સ્ટ્રેસ, ન્યૂટ્રિશનની કમી, દવાઓની આડઅસર જવાબદાર છે.
વાળ માટે ઉપાય
વાળને હેલ્ધી રાખવા માટે પ્રોટીનથી ભરપૂર ડાયટ લો, પાણી વધુ પીઓ અને તણાવમુક્ત રહો.
હોઠ
જો તમારા હોઠ ફાટે છે અને ડ્રાય રહે છે તો આ ડિહાઈડ્રેશનનો સંકેત છે. આ સિવાય શરદી, આંતરિક તાવનો પણ સંકેત હોઈ શકે છે.
ઉપાય
શરીરમાં પાણીની ઉણપ સર્જાવા ન દો, ન્યૂટ્રિશિયસ ફૂડ લો.
સ્કિન
રિંકલ્સ ઉંમર વધવાની સાથે ઓસ્ટિયોપોરોસિસનો પણ સંકેત છે. લાલ ચકામા, ડ્રાયનેસ થાઈરોઈડ કે કિડની પ્રોબ્લેમનો પણ સંકેત હોઈ શકે છે.
ઉપાય
ભરપૂર પાણી પીઓ. મેડિટેશન કરો. બ્રીધિંગ એક્સરસાઈઝ કરો.
દાંત
સમય પહેલાં દાંત પડી જવા ઓસ્ટિયોપોરોસિસનો સંકેત હોઈ શકે છે. દાંત તૂટી જવા કિડની પ્રોબ્લેમ દર્શાવે છે.
ઉપાય
કેલ્શિયમ અને વિટામિન ડીવાળા ખોરાક ડાયટમાં સામેલ કરો. પાણી વધુ પીઓ. બ્લડપ્રેશર કંટ્રોલમાં રાખો.
આંખો
આંખો નીચે સોજા વધુ મીઠું ખાવાથી, શરીરમાં વધુ પાણી જમા થવાથી, થાઈરોઈડ, કિડની પ્રોબ્લેમ કે ફૂડ એલર્જીને કારણે થાય છે. આંખોની નીચે પીળાશ લીવરની સમસ્યાનો સંકેત છે.