હેલ્થ / આ સમયે ડેન્ગ્યૂના મચ્છરોનો વધારે રહે છે આતંક, ખાસ લક્ષણોથી કરી લો ઓળખ

• કોરોના સાથે વધી રહ્યો છે ડેન્ગ્યૂનો કહેર
• આ ખાસ લક્ષણોથી કરો ડેન્ગ્યૂની ઓળખ
• એડીઝ મચ્છર જુલાઈથી ઓક્ટોબરની વચ્ચે ઝડપથી વિકાસ પામે છે

કોરોનાની સાથે દેશમાં ડેન્ગ્યૂનો તાવ પણ આતંક મચાવી રહ્યો છે. આ સમયે તેમાં સંક્રામક બીમારીનો ડર રહે છે. આ દિવસોમાં ડેન્ગ્યૂનો પ્રકોપ વધારે રહે છે. વરસાદ અને પછી પણ આ બીમારીનો ખતરો દિવાળી સુધી રહે છે. 

આ રીતે ફેલાય છે ડેન્ગ્યૂની બીમારી
AIIMS ના અનુસાર ડેન્ગ્યૂના એડીઝ મચ્છર જુલાઈથી ઓક્ટોબરની વચ્ચે ઝડપથી વિકાસ પામે છે. આ દિવસોમાં વરસાદનું પાણી અનેક જગ્યાએ ભેગું થયા છે ને પછી તેમાં આ એડીઝ મચ્છર ફેલાય છે. આ મચ્છર દિવસે કરડે છે. તેમાં વધારે પડતા તાવની સાથે માથાનો દુઃખાવો વધે છે.  ક્યારેક સમયસર સારવાર ન મળતા દર્દીનું મોત પણ થઈ શકે છે. ડેન્ગ્યૂની બીમારી મહામારી બનવા તરફ આગળ વધી રહી છે. તેના 3 પ્રકાર જોવા મળે છે.  
 
સાધારણ ડેન્ગ્યૂમાં જોવા મળે છે આ લક્ષણો

• ઠંડી ચઢવી અને જોરદાર તાવ આવવો
• માથું, માંસપેશીઓ અને સાંધાનો દુઃખાવો
• આંખની પાછળના ભાગમાં દર્દ થવું, આંખ દબાવવાથી દર્દ થવું
• વધારે નબળાઈ અનુભવાય
• ભૂખમાં ઘટાડો થાય
• જીવ ગભરાવવાની સમસ્યા
• મોઢાનો સ્વાદ ખરાબ થવો
• ગળામાં સાધારણ દર્દ થવું
• રોગીને દુઃખી અને બીમાર અનુભવ થવો
• શરીર પર લાલ ચકામા પડવા 

ડેન્ગ્યૂ હેમરેજિક તાવના લક્ષણ
સાધારણ ડેન્ગ્યૂ તાવના લક્ષણની સાથે નાક અને પેઢામાં લોહી આવવું, શૌચ કે ઉલ્ટીમાં લોહી આવવું, સ્કીન પર કાળા અને ભૂરા ચકામા પડવાના લક્ષણો જોવા મળે છે.  

ડેન્ગ્યૂ શોક સિન્ડ્રોમના લક્ષણો
ઉપરના લક્ષણો સિવાય રોગી બેચેન થાય છે અને તાવની સાથે સ્કીન ઠંડી રહે છે. દર્દી ધીરે ધીરે બેહોશ થવા લાગે છે. નાડી ઝડપથી ચાલે છે અને નબળાઈ અનુભવાય છે.