હેલ્થ / મગની દાળના મહત્ત્વને તમે પણ જાણી લેશો તો અઠવાડિયામાં 3 વાર બનાવશો

• મગની દાળના અઢળક ફાયદા 
• પેટ ખરાબ હોય તો થશે લાભ 
•  વાળ મજબૂત રાખવા ખાઓ રોજ 

મગની દાળમાં ફોસ્ફરસ હોય છે. જમવામાં  દરરોજ મગની દાળ ખાવાથી ચહેરાની કરચલી ઓછી થાય છે. આ સિવાય મગની દાળ ચહેરા પરના ડાઘને ઓછા કરે છે. આ સિવાય તે આંખ નીચે થતાં ડાર્ક સર્કલમાં પણ ઘટાડો કરે છે.
    
મગની દાળમાં પુષ્કળ પ્રમાણમાં કોપર પણ મળી આવે છે. તેના દૈનિક સેવનથી વાળ મજબૂત થાય છે. મગની દાળ આપણા મગજમાં કોઈ પણ અવરોધ વિના ઓક્સિજન પહોંચાડે છે. તેનાથી વાળનાં મૂળિયાં પણ મજબૂત બને છે.

    
મગની દાળ અપચો પણ દૂર કરે છે, તેમાં ફાઇબર હોય છે, જે પાચનશક્તિને મજબૂત બનાવે છે અને પેટમાં ઉત્પન્ન થતા ગેસને અટકાવે છે. મગની દાળ ચરબી વધતાં રોકે છે. દરરોજ મગની દાળ ખાવાથી પણ બીપી કંટ્રોલ થાય છે. તે લોહીમાં મેગ્નેશિયમનું સ્તર પણ સંતુલિત રાખે છે.

શરીરમાં કોલેસ્ટ્રોલ વધતાં મગની દાળનું સેવન કરવું લાભકારી હોય છે. તે શરીરમાંથી વધારાનું કોલેસ્ટ્રોલ દૂર કરવામાં મદદરૂપ છે. જે લોકો વજન ઓછું કરવા માગે છે તેમના માટે મગની દાળનું સેવન ફાયદાકારક હોઈ શકે છે, તેમાં100થી ઓછી કેલરી  હોય છે, ખાધા પછી પેટ પણ લાંબા સમય સુધી ભરેલું રહે છે, જેથી તમે વધારે કેલરી ન લો.