હેલ્થ / ખાસ ધ્યાન રાખો ! રસોડામાં કામ કરતી વેળાએ સ્કિન બળી જાય તો ના કરો આ ભૂલ

• રસોડામાં હાથ બળવાની સામાન્ય ઘટનાઓ દરરોજ થાય છે
• સ્કિનમાં બળતરા થતા આવુ કરતા હોય તો આજથી જ કરી દેજો બંધ
• સ્કિન બળી જાય ત્યારે આટલી ભૂલ ના કરશો

બરફ લગાવવો

તો સ્કિનમાં ચિરો પડવાથી આપણે એન્ટીસેપ્ટિક દવાની મદદ લઇ શકીએ છીએ. પરંતુ રસોડામાં કામ કરતા સમયે સ્કિન બળતી વખતે અવાર-નવાર આપણે સામાન્ય ભૂલો કરી બેસતા હોય છે. જેના કારણે બળતરા ઓછી થવાને બદલે સમસ્યા વધી જાય છે. સ્કિનની બળતરા શાંત કરવા માટે સ્કિન બળ્યાં બાદ તરત જ બરફ લગાવવો એક સામાન્ય પ્રક્રિયા છે. જેને મોટાભાગના લોકો ફૉલો કરે છે. જેનાથી તમને બળતરા ઓછી થાય છે. પરંતુ સ્કિન બળ્યાં બાદ બરફ લગાવવાથી સ્કિન પર હીટ અને કોલ્ડ ઈન્જરી મિક્સ થાય છે. જેને પગલે તમે થર્મ ઈન્જરીનો શિકાર થઇ શકો છો. 

ટૂથપેસ્ટ લગાવવુ

તો સ્કિન બળ્યાં બાદ દુ:ખાવામાંથી રાહત મેળવવા માટે બળેલા ભાગ પર ટૂથપેસ્ટ લગાવવી સામાન્ય છે. સામાન્ય ખ્યાલ પ્રમાણે ટૂથપેસ્ટ ઠંડી હોય છે, જેનાથી બળતરા ઓછી થાય છે. જો કે, આવુ બિલ્કુલ નથી. ટૂથપેસ્ટ સ્કિનના પોર્સને બ્લૉક કરીને હીલિંગ પ્રક્રિયા ધીમી કરી નાખે છે. જેનાથી ઘણા સમય સુધી તમારી બળતરા શાંત થતી નથી. 

ફોલ્લા ફોડવા 

સ્કિન બળ્યાં બાદ તેના પર ફોલ્લા પડી જાય છે. તો અમુક લોકો ફોલ્લાથી છૂટકારો મેળવવા માટે ફોલ્લાને ફોડીને પાણી નિકાળવા લાગે છે. જો કે, તેનાથી તમને સ્કિન ઈન્ફેક્શનનુ જોખમ વધી જાય છે અને સમસ્યા જલ્દી સોલ્વ થવાને બદલે લાંબા સમય સુધી રહે છે. તેથી ફોલ્લાને ફોડવાને બદલે તેના પર ડ્રેસિંગ કરવુ સારું રહે છે.