દેશમાં કોરોના વાયરસના કેસ સતત વધી રહ્યા છે. સ્વાસ્થ્ય મંત્રાલયના ડેપ્યૂટી સેક્રેટરી લવ અગ્રવાલે કહ્યું કે કોરોના વાયરસના સંક્રમણના કેસના મામલામાં દેશ ભલે સાતમા નંબરે છે, જોકે આ વિશ્લેષણ સાચુ નથી, અન્ય દેશોની તુલનામાં ભારતની વસ્તી વધારે છે. લવ અગ્રવાલે કહ્યું કે ભારતનો રિકવરી રેટ સુધરી રહ્યો છે, ભારતનો મૃત્યુદર દુનિયાભરના દેશોની તુલનામાં ઓછો છે.
લવ અગ્રવાલે કહ્યું ભારતનો રિકવરી રેટ સુધરી રહ્યો છે, ભારતનો મૃત્યુદર અન્ય દેશોની તુલનામાં ઓછો
દેશમાં અત્યાર સુધીમાં 95,527 લોકો કોરોના વાયરસથી સ્વસ્થ થયા, રિકવરી રેટ 48.07 ટકા થયો
તેઓેએ કહ્યું કે દેશમાં અત્યાર સુધીમાં 95,527 લોકો કોરોના વાયરસની બીમારીથી સ્વસ્થ થયા છે અને દેશનો રિકવરી રેટ 48.07 ટકા થયો છે.
લવ અગ્રવાલે કહ્યું કે આજે દેશમાં કોરોનાના કેસ વધી રહ્યા છે. દેશ કોરોના કેસ મામલે સાતમા નંબર પર છે. આ એનાલિસિસ ડાઉટફુલ કમ્પેરિઝન રજૂ કરે છે. તેની તુલના આપણી વસ્તીના હિસાબે થવી જોઇએ. બાકી દેશોની તુલનામાં આપણે સારી સ્થિતિમાં છીએ અને દેશમાં ઘણી સ્થિરતા છે. આજના ડેટા મુજબ 14 દેશ જે આપણા દેશની વસ્તી સાથે મળતા આવે છે ત્યાં લગભગ 22 ટકા વધારે કેસ સામે આવ્યા છે અને 55 ટકા વધારે મોત થયા છે.
મૃત્યુદરમાં 2.82 ટકા
તેઓએ કહ્યું કે કેવી રીતે જલ્દી કેસની ઓળખ કરવામાં આવે અને તેની સારવાર કરવામાં આવે, આ પ્રયાસ હેઠળ 15 એપ્રિલે મૃત્યુદર 3.15 ટકા હતો જે ઘટીને 2.82 ટકા થઇ ગયો છે. જે દુનિયામાં સૌથી ઓછો છે. એવા પણ દેશ છે જ્યાં મૃત્યુદર 19 ટકાથી વધારે છે. જો આપણે પ્રતિ લાખ મૃત્યુદર પ્રમાણે જોઇએ તો આ સૌથી ઓછા છે.
60-70ની ઉંમરમાં 38 ટકા મોત
સ્વાસ્થ્ય મંત્રાલયની તરફથી કહેવામાં આવ્યું છે કે વૃદ્ધો અને અન્ય બીમારીઓથી પીડિત લોકોએ વધારે ધ્યાન રાખવાની જરૂર છે. કોરોના વાયરસથી જીવ ગુમાવનાર લોકોમાંથી 38 ટકા 60-74 વર્ષની ઉંમરના છે અને 12 ટકા 70 વર્ષથી ઉપરના છે.
લવ અગ્રવાલનું કહેવું છે કે મોટાભાગના મોત અન્ય બીમારીઓ હોવી અને વધારે ઉંમર હોવાને કારણે થઇ રહી છે. આ બંને રીતે જોવામાં આવે તો વૃદ્ધો વદારે રિસ્કમાં છે, જેમને ડાયાબિટીશ, રેસ્પેરેટરી ડિસીઝ છે, તેઓ હાઇ રિસ્કમાં છે. તેમની મદદ ખુબ જ જરૂરી છે. એ જરૂરી છે કે તેઓે સોશિયલ ડિસ્ટેન્સિંગ બનાવીને રાખે. લોકો પોતાનો ચેકઅપ કરાવે અને ઇમ્યુનિટી બુસ્ટ પર કામ કરે.
તેઓએ કહ્યું કે આપણે બહાર જવાથી બચવું જોઇએ. ટેક્નોલોજીનો પ્રયોગ કરવામાં આવે. તેનાથી ચેક કરી શકાય છે કે આપણે કોવિડ પેશન્ટની આસપાસ છીએ કે નહીં. જો લાગે કે મદદની જરૂર છે તો મેડિકલ સપોર્ટ લો.