Coronavirus / દેશમાં 24 કલાકમાં 549 નવા કેસ, કુલ 5734 લોકો પોઝિટિવ, 17 મિલિયન PPE કિટનો અપાયો ઓર્ડર

• કેન્દ્રીય આરોગ્ય વિભાગની પત્રકાર પરિષદ
• દેશમાં કુલ 5734 લોકો કોરોના પોઝિટિવ
• અત્યાર સુધીમાં કુલ 1,30,000 નમૂનાઓની તપાસ કરાઇ

નોંધનીય છે કે, બુધવારે કોરોના વાયરસના 773 નવા મામલાઓ સામે આવ્યા હતા આ સાથે જ 32 લોકોના મોત થયાં હતા. ત્યારે આજે દેશમાં સંક્રમિતોની સંખ્યામાં ઘટાડો થયો છે તો મૃતકઆંક પણ ઘટ્યો છે. 

દેશમાં  1,30,000 નમૂનાઓની તપાસ કરાઇ : ICMR

ICMRએ જણાવ્યું કે અત્યાર સુધીમાં 1,30,000 નમૂનાઓની તપાસ કરવામાં આવી છે. તેમાંથી 5,734 નમૂનાઓનો ટેસ્ટ પોઝિટિવ આવ્યા છે. છેલ્લા 1-1.5 મહિનામાં પોઝિટિવ રેટ 3-5% ની વચ્ચે રહ્યો છે. તેમાં પૂરતો વધારો થયો નથી. ગઈકાલે અમે 13,143 નમૂનાઓનું પરીક્ષણ કર્યું છે.

કોરોના વાયરસની તપાસનું કામ યુદ્ધના ધોરણે ચાલુ: કેન્દ્રીય આરોગ્ય મંત્રાલય

ગુરુવારે પત્રકાર પરિષદને સંબોધન કરતા આરોગ્ય મંત્રાલયના સંયુક્ત સચિવ લવ અગ્રવાલે કહ્યું કે છેલ્લા 24 કલાકમાં 17 લોકોનાં મોત થયાં છે. 24 કલાકમાં 549 નવા કેસ સામે આવ્યા છે. આ સાથે જ, કોરોના વાયરસને કારણે 166 લોકોએ જીવ ગુમાવ્યા છે. કોરોના વાયરસની તપાસ કરવાનું કામ કરવામાં આવી રહ્યું છે. 10 ટીમોને 9 રાજ્યોમાં મોકલવામાં આવી છે.

રેલવેમાં 80 હજાર આઇસોલેશન બેડ તૈયાર 

રેલવે પડકારોનો સામનો કરવામાં મદદ કરી રહ્યું છે. રેલ્વેએ 80,000 આઇસોલેશન બેડ બનાવ્યા છે. રેલ્વેએ 2500 થી વધુ ડોકટરો તૈનાત કર્યા છે આરોગ્ય મંત્રાલયે કહ્યું કે એડોપ્ટ એ ફેમિલી કેમ્પ અંતર્ગત કરનાલમાં 13000 જરૂરિયાતમંદ પરિવારોને 64 લાખ રૂપિયા આપવામાં આવી રહ્યા છે.

49,000 વેન્ટિલેટર પણ મંગાવાયા 

પી.પી.ઇ, માસ્ક અને વેન્ટિલેટરની સપ્લાય હવે શરૂ થઈ ગઈ છે. ભારતમાં પીપીઈ માટે 20 ઘરેલું ઉત્પાદકો બનાવવામાં આવ્યા છે. 17 મિલિયન પીપીઈ માટે ઓર્ડર આપવામાં આવ્યા છે અને સપ્લાય શરૂ થઈ ગઈ છે. 49,000 વેન્ટિલેટર પણ મંગાવવામાં આવ્યા છે.

2500 ડોક્ટરની ટીમ તથા 35000 પેરામેડિક્સકર્મીઓ તૈનાત 

અગ્રવાલે જણાવ્યું હતું કે, રેલ્વેએ દર્દીઓની સારવાર માટે 2,500 થી વધુ ડોકટરો અને 35,000 પેરામેડિક્સ સ્ટાફ તૈનાત કર્યા છે. તેમણે માહિતી આપી કે રેલ્વેમાં 586 આરોગ્ય એકમો, 45 સબ-ડિવિઝનલ હોસ્પિટલો, 56 ઉપ-મંડલ હોસ્પિટલો, આઠ પ્રોડક્શન યુનિટ હોસ્પિટલો અને 16 પ્રાદેશિક હોસ્પિટલો, કોરોના વાયરસ સામે લડવાની તેમની મહત્વપૂર્ણ સુવિધાઓ સમર્પિત છે.