બ્રિટનમાં કોરોના વાયરસના નવા પ્રકાર સ્ટ્રેનની ઓળખ થતાં તેની પર ચર્ચા કરવા માટે કેન્દ્રીય સ્વાસ્થ્ય મંત્રાલયની આપાતકાલીન બેઠક બોલાવવામાં આવી છે. માનવામાં આવી રહ્યું છે કે કોરોના વાયરસનો આ નવો પ્રકાર બ્રિટેનમાં સંક્રમણને ઝડપથી ફેલાવવા માટે જવાબદાર છે. આ સાથે જ નિયંત્રણના ભાગરૂપે અનેક દેશોએ બ્રિટનથી આવનારી ફ્લાઈટ્સ પર રોક લગાવી છે.
બ્રિટનની સરકાર દ્વારા વાયરસના નવા પ્રકારના નિયંત્રણથી બહાર થવાની ચેતવણી જાહેર કર્યા બાદ યૂરોપીય યૂનિયને અનેક દેશોને બ્રિટનથી આવનારી ફ્લાઈટ્સ પર રોક લગાવી છે. બ્રિટને પણ રવિવારથી કડક લોકડાઉન લાગૂ કર્યું છે.
આજે સ્વાસ્થ્ય મંત્રાલયની આપાતકાલીન બેઠક
મળતી માહિતી અનુસાર કોરોના વાયરસના નવા પ્રકારને લઈને ચર્ચા કરવા માટે સ્વાસ્થ્ય સેવા મહાનિર્દેશકની અધ્યક્ષતામાં સોમવારે સંયુક્ત નિગરાની સમૂહની બેઠક યોજાશે. ભારતમાં વિશ્વ સ્વાસ્થ્ય સંગઠનના પ્રતિનિધિ ડો. રોડરિકો એચ ઓફ્રિન પણ તેમાં સામેલ થઈ સકે છે. તેઓ જેએમજીના સભ્ય પણ છે.
અનેક દેશોએ ફ્લાઈટ્સ પર લગાવી રોક
દક્ષિણ ઈંગ્લેન્ડમાં કોરોના વાયરસનો નવો પ્રકાર મળ્યા બાદ યૂરોપીય સંઘના અનેક દેશોએ બ્રિટનથી આવનારી ફ્લાઈટ્સ પર રોક લગાવી છે. આ સાથે જર્મની પણ બ્રિટનથી આવનારી ફ્લાઈટ્સને સીમિત કરવાનું વિચારી રહ્યું છે. તો અન્ય તરફ નેધરલેન્ડ પણ ઓછામાં ઓછા વર્ષના અંત સુધી બ્રિટનથી આવનારી ફ્લાઈટસ પર રોક લગાવી ચૂક્યું છે. જ્યારે બેલ્જિયમે રવિવારે મધરાતથી આવનારા 24 કલાક માટે બ્રિટનની રેલ સેવાઓને પણ બંધ કરી છે.
આ દેશોએ પણ ફ્લાઈટ્સ પર લગાવી રોક
અન્ય તરફ ઓસ્ટ્રિયા અને ઈટાલીએ કહ્યું કે તેઓ બ્રિટનથી આવનારી ફ્લાઈટ્સ પર રોક લગાવશે. જેથી પ્રતિબંધના સમયે પણ સંબંધિત માહિતી મેળવવાથી મનાઈ કરી શકાય.
અહીં લાગૂ થયો ક્વોરેન્ટાઈનનો નિયમ
ઈટાલીના વિદેશમંત્રી લુઈગી ડી માયોએ ટ્વિટર પર કહ્યું કે સરકાર કોરોના વાયરસના નવા પ્રકારથી ઈટાલીના નિવાસીઓને બચાવવા માટે આવશ્યક પગલાં લઈ રહી છે. રવિવારે બ્રિટનથી લગભગ 2 ડઝન ફ્લાઈટ્સ ઈટાલી માટે રવાના થવાની છે. આ સમયે જર્મનીના અધિકારી બ્રિટનથી આવનારી ફ્લાઈટ્સના સંબંધમાં ગંભીર વિકલ્રને લઈને વિચાર કરી રહ્યા છે પણ હજુ સુધી કોઈ પગલાં લેવાયા નથી.
કોરોનાના નવા સ્ટ્રેન સામે સતર્ક
બ્રિટનમાં કોરોનાનો નવો સ્ટ્રેન થયો 'બેકાબૂ'
વિશ્વભરમાં ફ્લાઈટની ઉડાનો પર લાગી રહી છે રોક
બ્રિટેન, ઈટલી, નેધરલેન્ડ, ડેનમાર્ક, ઓસ્ટ્રેલિયા, દ.આફ્રિકામાં ફેલાયો છે નવો સ્ટ્રેન
ગંભીર ખતરાને ધ્યાનમાં રાખીને ભારત સરકારે બોલાવી ઈમરજન્સી બેઠક
કોરોનાનો નવો સ્ટ્રેન 70 ટકા ઝડપથી ફેલાઈ રહ્યો છે
આ સ્ટ્રેન ભારતમાં આવ્યો તો મહામારી ઘણી ઝડપથી ફેલાશે
નવો સ્ટ્રેન વધુ ઘાતક છે કે નહીં તે અંગે નથી મળી વિગતો
યુરોપિયન દેશોમાં ઝડપથી ફેલાઈ રહ્યો છે કોરોનાનો નવો સ્ટ્રેન