કોવિડ-19 / કોરોનાને ડામવા તમામ રાજ્યો 'ફાઈવ ફોલ્ડ સ્ટ્રેટેજી' અપનાવે, કેન્દ્રીય આરોગ્ય મંત્રીએ આપી અગત્યની સલાહ, જુઓ શું છે આ માસ્ટરપ્લાન

• કોરોના સામે લડવા મંત્રાલયની નોટિફિકેશન
• રાજ્યો અને કેન્દ્રશાસિત પ્રદેશોમાં થશે મોક ડ્રિલ
• 'ફાઈવ ફોલ્ડ સ્ટ્રેટેજી' પર ફોકસ કરવાનું આપ્યું સૂચન

કેન્દ્રિય સ્વાસ્થ્ય મંત્રાલયે ગુરુવારે તમામ રાજ્યોને સલાહ આપી છે કે તે ટેસ્ટ-ટ્રેક-ટ્રીટ-વેક્સિનેશન અને કોવિડ અનૂકુળ વ્યવહારની 'ફાઈવ ફોલ્ડ સ્ટ્રેટેજી' પર ફોકસ કરવાનું ચાલુ રાખે. મંત્રાલયની તરફથી વધુ એક સૂચનમાં કહેવામાં આવ્યું છે કે અમે કોવિડ-19ની તૈયારીઓને જોવા માટે વધુ એક મોક ડ્રિલ કરશું. તમામ રાજ્ય/કેન્દ્રશાસિત પ્રદેશોમાં ટૂંક જ સમયમાં મોક ડ્રિલ કરવામાં આવશે.

નોટિફિકેશનમાં વેક્સિનનાં ડોઝ અંગે અપાઈ માહિતી
નોટિફિકેશન અનુસાર દેશમાં વેક્સિનનાં કુલ 220.65 કરોડથી વધારે ડોઝ આપી દેવાયા છે. હોસ્પિટલમાં દાખલ થતાં કોવિડ દર્દીઓની સંખ્યામાં પણ વૃદ્ધિ નથી. સાવચેતી માટે ડોઝ વધારવા જોઈએ. નિવેદનમાં કહેવામાં આવ્યું છે કે તમામ ગંભીર તીવ્ર શ્વાસની બીમારીનાં મામલામાં પ્રયોગશાળામાં પરીક્ષણ વધારવાની આવશ્યકતા છે.

લોજિસ્ટિક્સ અંગે મંત્રાલયની રાજ્યોને સૂચના
મંત્રાલયે રાજ્યોથી સ્વાસ્થ્યની સુવિધાઓમાં ઈન્ફ્લુએન્ઝા અને કોવિડ-19 માટે જરૂરી દવાઓ અને લોજિસ્ટિક્સની ઉપલબ્ધતા સુનિશ્ચિત કરવા માટે પણ કહ્યું છે. આ સિવાય રાજ્યોને પર્યાપ્ત બેડ અને સ્વાસ્થ્ય કર્મીઓની ઉપલબ્ધતા સુનિશ્ચિત કરવા માટે પણ કહ્યું છે.

'ફાઈવ ફોલ્ડ સ્ટ્રેટેજી'

1. ટેસ્ટિંગ
2. ટ્રેકિંગ
3. ટ્રીટીંગ 
4. વેક્સિનેશન
5. કોવિડ અનુરુપ વ્યવહાર