કોંગ્રેસે ગુજરાત સરકાર પર આક્ષેપ કરતા જણાવ્યું છે કે કોરોનાની મહામારીમાં આરોગ્યમંત્રી દ્વારા રાહતની જાહેરાત નથી કરાઈ અને ઉપરથી ફી વધારવામાં હીં આવે એવી જાહેરાત કરાઈ છે આ કેવી રીતની વાત થઈ?
મેડીકલ ડેન્ટલ સહિતના અભ્યાસક્રમોમાં એક સત્ર ફી માફીની માંગ
રાજ્યના આરોગ્ય મંત્રીએ મેડીકલ કોલેજોની ફી અંગે નિરાશાજનક વાત કરી
કાલે નીતિન પટેલે ફી ઘટાડવાના બદલે ફી વધશે નહિ એવું નિવેદન આપ્યું હતું
રાજ્યમાં મેડિકલ-ડેન્ટલ સહિતના અભ્યાસક્રમોમાં એક સત્રની ફી માફીની માંગ ઉઠી છે
કોંગ્રેસના મુખ્ય પ્રવક્તા મનીષ દોશીએ કહ્યું કે રાજ્યના આરોગ્ય મંત્રીએ મેડિકલ કોલેજોની ફી અંગે નિરાશાજનક વાત કરી છે નીતિન પટેલે ફી ઘટાડવાના બદલે ફી વધશે નહીં એવું કહ્યું. ખાનગી અને મેડિકલ-ડેન્ટલ પેરામેડિકલ કોલેજ કરોડો રૂપિયાની ફૂ વસૂલે છે. ત્યારે આર્થિક તકલીફોનો સામનો કરતા વિદ્યાર્થીઓની એક સત્રની ફી માફીની કોંગ્રેસ દ્વારા માગ કરવામાં આવી છે.
મેડિકલ કોલેજોમાં વર્ષે 8થી 24 લાખ રૂપિયા ફી છે. જ્યારે GMERSની કોલેજોમાં 3થી 15 લાખની ફી છે...અને ડેન્ટલમાં 2થી 10 લાખ જ્યારે આયુર્વેદમાં એકથી 6 લાખ સુધી ફી છે. તો હોમિયોપેથીમાં એકથી 6 લાખ ફી અને ફિઝીયોથેરાપીમાં 65 હજારથી દોઢ લાખ સુધીની ફી છે.