હેલ્થ / જન્મ પછી બાળકોને કઈ-કઈ રસી આપવી જોઈએ, કઈ બીમારી સામે આપે છે રક્ષણ, જાણો

બાળકોને અમુક ગંભીર બીમારીઓથી બચાવવા માટે રસીકરણ જરૂરી છે. બાળક ગર્ભમાં હોય ત્યારે માતાનું રસીકરણ શરૂ થાય છે, પરંતુ બાળકના જન્મ પછી અમુક રસીઓ આપવી જરૂરી છે. રસીકરણના અભાવે બાળકો અનેક જીવલેણ રોગોનો શિકાર બની શકે છે. બાળકો માટે સૌથી ઘાતક રોગ ન્યુમોનિયા અને ડિપ્થેરિયા છે. આ સિવાય કાળી ઉધરસ અને ઓરી પણ બાળકો માટે જીવલેણ બની શકે છે. જન્મ બાદ બાળકોને કઈ રસી આપવી જોઈએ તે જાણીએ.

બાળકો જલ્દી બીમાર પડી જતા હોય છે. રસીઓ તેમને રોગોથી રક્ષણ આપવાનું કામ કરે છે. એક્સપર્ટના મતે રસીકરણ ન કરાવવાને કારણે બાળકોમાં જીવલેણ રોગોનું જોખમ રહેલું છે. આ રોગો 17 વર્ષની ઉંમર સુધી ગમે ત્યારે થઈ શકે છે. આ બીમારીઓને તાત્કાલિક સારવારની જરૂર હોય છે અને સારવારમાં મોડું થવું એ બાળકના જીવનને ગંભીર જોખમમાં મૂકી શકે છે. આથી બાળકોને રસી આપવી જરૂરી છે.

• આ રસીઓ લેવાની કરો ખાતરી
  બાળકોને જીવલેણ રોગોથી બચાવવા માટે સરકારે રસીકરણ કાર્યક્રમમાં 7 પ્રકારની રસીઓનો સમાવેશ કર્યો છે. જેમાં બીસીજી, હેપેટાઇટિસ બી, રોટાવાયરસ, ડિપ્થેરિયા, ટિટાનસ, પેર્ટ્યુસિસ, હિબ, પોલિયો, ઓરી, ગાલપચોળિયાં, રૂબેલા અને ચિકનપોક્સનો સમાવેશ થાય છે. આ રસીઓ બાળકોને ગંભીર જીવલેણ રોગોથી બચાવે છે. આ સિવાય ન્યુમોકોકલ અને કોવિડ-19 રસીઓ પણ હવે ઉપલબ્ધ છે.

વધુ વાંચો : દિવસ દરમિયાન ઓછું પાણી પીનારા લોકો સાવધાન! કિડનીમાં પથરી થતા નહીં લાગે વાર

• રસી ન લેવાના નુકસાન
  બાળકોને રસી ન આપવાથી તેઓ અનેક જીવલેણ રોગોના જોખમમાં રહે છે. વેક્સિનેશન બાળકોને સંબંધિત રોગ સામે એન્ટિબોડીઝ વિકસાવવામાં મદદ કરે છે. જેનાથી તેઓ બીમારીઓથી સુરક્ષિત રહે છે. બાળકોને જન્મ બાદ રસીકરણ મળવાનું શરૂ થાય છે અને સાત વર્ષની ઉંમર સુધી તે ચાલુ રહે છે. જો કોઈ રસીકરણ ચૂકી જાય તો ચાઈલ્ડ ડૉક્ટરનો સંપર્ક કરીને તે રસીકરણ કરાવી શકે છે. બાળકોના રસીકરણનો રેકોર્ડ રાખવો પણ મહત્વનો છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ