તમારા કામનું / જો તમે 8 વર્ષ સુધી હેલ્થ ઈન્શ્યોરન્સનું પ્રીમિયમ ભર્યુ છે તો, આ નવા નિયમો અચૂક વાંચો નહીંતર...

• હેલ્થ ઈન્યોરન્સ મામલામાં IRDAI બતાવી કડકાઈ
• આઠ વર્ષની મુદત પછી આરોગ્ય વીમાના દાવા પર વિવાદ ન કરી શકાય 
•  ટેલિમેડિસીનનો સમાવેશ દર્દીઓને વધુ રાહત આપશે.

આરોગ્ય વીમા પર આઈઆરડીએઆઈ કડકાઈ 

હકીકતમાં વીમા નિયામકે આરોગ્ય વીમાના સામાન્ય નિયમો અને શરતોને માનક બનાવવા માટે આ કર્યુ છે. આઈઆરડીએઆઈએ કહ્યું કે વીમાના તમામ સેક્ટરમાં એકરૂપતા લાવવા અને હાલના આરોગ્ય વીમા ઉત્પાદોના સામાન્ય નિયમો અને શરતોની પરિભાષા સરળ બનાવવા માટે આ કરવામાં આવી રહ્યું છે.

આઈઆરડીએઆઈએ શું કહ્યું?

આઈઆરડીએઆઈએ જણાવ્યું છે કે 'હાલની વીમા ઉત્પાદોના તમામ પોલિસી કરાર કે જે માર્ગદર્શિકાને અનુરૂપ નથી તે બદલવામાં આવશે અને આ ફેરફાર 1 એપ્રિલ 2021 થી લાગુ કરવામાં આવશે. 

આઈઆરડીએઆઈએ કહ્યું, 'જો કોઈ વીમા પોલિસી સતત આઠ વર્ષ સુધી ચાલુ રહી હોય તો પછીના વર્ષો માટે કોઈ કિંતુ પરંતુ નહીં થઈ શકે. આ મોરેટોરિયમ પીરિયડના પુરો થયા પથી કોઈ પણ આરોગ્ય વીમાના દાવા પર કોઈ પણ પ્રકારનો વિવાદ કરી શકાય નહીં. જો કે નીતિ કરાર મુજબ કોઈ બનાવટી અથવા કાયમી પ્રતિબંધ જેવી બાબત સાબિત થઈ ન હોય તો.

જો કે, આ નીતિઓ બધી મર્યાદાઓ, પેટા-મર્યાદાઓ, સહ-ચુકવણી,  ડિડક્ટિબલ વગેરેને આધિન રહેશે. આઠ વર્ષના આ સમયગાળાને મોરેટોરિયમ અવધિ કહેવામાં આવશે અને તે પ્રથમ નીતિની વીમા રકમ પર લાગુ રહેશે અને વીમા રકમની આગળની મર્યાદા પર આઠ વર્ષનો સમયગાળો લાગુ થશે.

એક મહિનાની અંદર નિર્ણય કરો

આઈઆરડીએઆઈએ જણાવ્યું હતું કે વીમા કંપનીએ અંતિમ દસ્તાવેજ પ્રાપ્ત થયાના 30 દિવસની અંદર કોઈપણ વીમા સ્વીકારવા અથવા રદ કરવાનો નિર્ણય લેવો પડશે.

નોંધપત્ર છે કે, કોરોના સંકટ દરમિયાન વીમા નિયામક આઇઆરડીએઆઈ આરોગ્ય વીમાના ક્ષેત્રમાં તમામ પ્રકારની વિસંગતતાઓને દૂર કરવા માટે સતત સક્રિય છે. તાજેતરમાં વીમા નિયામક અને વિકાસ સત્તામંડળ (આઈઆરડીએઆઈ) એ વીમા કંપનીઓને મેડિકલ વીમા પોલિસીમાં ટેલિમેડિસિન પણ આવરી લેવા જણાવ્યું છે.

આઈઆરડીએઆઈના નિર્દેશ અનુસાર, આરોગ્ય વીમા કવરમાં કોરોના સારવારનો સમાવેશ કરવામાં આવ્યો છે. હવે તેમાં ટેલિમેડિસીનનો સમાવેશ દર્દીઓને વધુ રાહત આપશે.