ઈન્શ્યોરન્સ રેગ્યુલેટર આઈઆરડીએઆઈ (IRDAI)એ કોરોના વાયરસને કારણે તેના ગ્રાહકોને મોટી રાહત આપી છે. નવા સૂચનો હેઠળ હવે ગ્રાહકોને હેલ્થ ઈન્શ્યોરન્સ પોલિસીનું પ્રીમિયમ ભરવા અને રિન્યૂ કરાવવા માટે એક વર્ષનો સમય મળશે અને તમે તેને હપ્તા એટલે કે, ઈન્સ્ટોલમેન્ટ દ્વારા પણ ચૂકવી શકો છો.
IRDAIએ હેલ્થ ઈન્શ્યોરન્સ વીમાધારકોની આપી મોટી સુવિધા
કોરોનાને કારણે ઈરડાએ લીધો આ નિર્ણય
હવે પ્રીમિયમ ચૂકવણી માટે મળશે આટલો સમય
તમને જણાવી દઈએ કે, ગ્રાહકોને તેના માટે કોઈ એક્સ્ટ્રા ચાર્જ આપવો નહીં પડે. સામાન્ય રીતે હેલ્થ ઈન્શ્યોરન્સનું વાર્ષિક પ્રીમિયમ જમા કરવામાં આવે છે. અગાઉ 15 મે સુધી રિન્યુઅલ અથવા પ્રીમિયમ ભરવાની છૂટ આપવામાં આવી હતી.
હેલ્થ ઈન્શ્યોરન્સ પ્રીમિયમ ચૂકવવામાં મળી એક વર્ષની રાહત
IRDAIએ નિર્દેશ આપ્યો છે કે તમામ વીમા કંપનીઓએ વીમા ધારકોને આની માહિતી આપવી જોઈએ. હવે પ્રીમિયમ ચૂકવવા માટે આવતા વર્ષે 31 માર્ચ સુધીનો સમય મળ્યો છે.
આ સાથે જ પ્રીમિયમ હપ્તામાં ચૂકવવાની સુવિધા પણ મળી છે. કોરોના અને લોકડાઉનને કારણે IRDAI તરફથી આ મોટી સૂચના મળી છે. આ સુવિધા હેઠળ પ્રીમિયમની ફ્રીકવન્સી બદલવા સહિતના ઓપ્શન પણ મળશે.
IRDAIએ સ્પષ્ટતા કરી છે કે, આનાથી બેસિક પ્રીમિયલ અને ફીસ સ્ટ્રક્ચરમાં કોઈ જ ફેરફાર નહીં થાય. પ્રીમિયમ ચુકવણી માસિક, ત્રિમાસિક અથવા અર્ધ વાર્ષિક હોઈ શકે છે.
ઈન્શ્યોરન્સ રેગ્યુલેટરે કહ્યું કે, હપ્તામાં પ્રીમિયમ ચુકવણીની સુવિધા કાયમી વ્યવસ્થા તરીકે અથવા અસ્થાયી ધોરણે 12 મહિના માટે આપી શકાય છે. એટલે કે, આ સુવિધા 31 માર્ચ 2021 સુધી હેલ્થ ઈન્શ્યોરન્સ વીમા પોલિસી રિન્યુ કરવા માટે મળી શકે છે.
IRDAI વીમા કંપનીઓને તેની વેબસાઇટ પર એવા ઉત્પાદનોના નામનો ઉલ્લેખ કરવા જણાવ્યું છે કે જેના પર હપ્તાથી પ્રીમિયમ ચુકવણીની સુવિધા આપવામાં આવી રહી છે.