નિર્ણય / દિલ્હીમાં હેલ્થ ઈમરજન્સી જાહેર, પ્રદૂષણનું સ્તર ભયજનક સ્તરે

• પ્રદુષણના કારણે દિલ્હીના લોકોનો શ્વાસ રૂંધાયો 
• દિલ્હીમાં AQI અતિગંભીર શ્રેણીમાં પહોંચ્યો 
• સુપ્રીમ કોર્ટની પેનલે લાગુ કરી હેલ્થ ઈમરજન્સી 

છઠ પૂજામાં નહિ ફોડી શકાય ફટાકડાં 

દિલ્હીમાં હવાની ગુણવત્તાનું સ્તર દિવસેને દિવસે ખરાબ થઇ રહ્યું છે,પાછલા અમુક વર્ષોથી ખાસ કરીને દિવાળી પછી દિલ્હીમાં શ્વાસ લેવો પણ મુશ્કેલ બની જાય છે.ત્યારે દિલ્હીમાં વાયુપ્રદુષણ ખુબ વધી જતા સુપ્રીમ કોર્ટની એક પેનલ દ્વારા દિલ્હી-NCRમાં હેલ્થ ઈમરજન્સી લગાવવાનો નિર્ણય લીધો છે. હેલ્થ ઇમરજન્સીની ઘોષણાના લીધે હવે 5 નવેમ્બર સુધી દિલ્હીમાં બધા જ નિર્માણ કાર્ય પર પ્રતિબંધ રહેશે સાથે જ કોઈ પણ વ્યક્તિ ફટાકડા નહિ ફોડી શકે. 

ગુરુવારે પ્રદુષણ અતિગંભીર સ્તરે પહોચ્યું 

પર્યાવરણ પ્રદુષણ પ્રાધિકરણના ચેયરપર્સન ભૂરે લાલે ઉત્તરપ્રદેશ, હરિયાણા અને દિલ્હીના મુખ્યસચિવોને પત્ર પણ લખ્યો હતો. ગુરુવારે રાત્રે દિલ્હીની હવામાં પ્રદુષણનું સ્તર ગંભીર સ્તરે પહોચી ગયું હતું. દિલ્હીમાં બીમાર વ્યક્તિઓ, નાના બાળકો અને શ્વાસની બીમારીવાળા લોકોને સૌથી વધુ સમસ્યાનો સામનો કરવો પડી રહ્યો છે.  

• એર ક્વોલીટી એન્ડ વેધર ફોરકાસ્ટિંગ રીસર્ચ ઇન્ડિયા અનુસાર દિલ્હીમાં AQI 412 પર પહોચી ગયું છે જે અતિ ગંભીર શ્રેણીમાં આવે છે. 

બાંગ્લાદેશી ક્રિકેટર્સે મોંઢા પર માસ્ક પહેરીને કરી પ્રેક્ટિસ

દેશની રાજધાની દિલ્હીમાં દર વર્ષે દિવાળી બાદ હવામાં પ્રદુષણનું સ્તર વધી જતું હોય છે. અત્યારે હવામાં પ્રદુષણનું સ્તર ખરાબ હોવા છતાં 3 નવેમ્બર થી અરુણ જેટલી સ્ટેડીયમમાં ભારત-બાંગ્લાદેશ વચ્ચે થનાર ત્રણ મેચોની સીરીઝની પહેલી મેચ રમાશે. હવાના સ્તરની ગુણવત્તા ઓછી હોવા છતાં બાંગલાદેશના ખેલાડીઓએ ગુરુવારે અરુણ જેટલી સ્ટેડીયમાં પ્રેક્ટીસ કરવા ઉતર્યા હતા. આ દરમિયાન ખેલાડીઓએ ખરાબ હવાથી બચવા માટે માસ્ક પહેર્યા હતા. જેમાં બાંગ્લાદેશી બેટ્સમેન લીટન દસ માસ્ક પહેરીને પ્રેક્ટીસ કરી રહ્યા હતા