દુનિયાના અનેક દેશોમાં કોરોના વાયરસના સંક્રમણનો કહેર યથાવત છે ત્યારે મોટા ભાગના દેશ તેની સામે લડી રહ્યા છે. પરંતુ કેટલાક દેશ એવા પણ છે જ્યાં કોરોના વાયરસનું સંક્રમણ ફરી જોવા મળી રહ્યું છે. આ ખતરાને જોતાં ફ્રાન્સે મોટી જાહેરાત કરી છે. ફ્રાન્સ સરકારે દેશમાં હેલ્થ ઈમરજન્સી જાહેર કરી દીધી છે. ફ્રાન્સમાં ફરી વખત હેલ્થ ઈમરજન્સી લગાવવામાં આવી છે જેથી કોરોના વાયરસની બીજી લહેર સામે લડી શકાય.
ફ્રાન્સ સરકારે કરી મહત્વની જાહેરાત
ફ્રાન્સમાં ફરી વકર્યો કોરોના
સરકારે જાહેર કરી હેલ્થ ઈમરજન્સી
France declares public health state of emergency over #COVID19: Reuters
મળતી માહિતી અનુસાર આ હેલ્થ ઈમરજન્સીથી ફ્રાન્સની સરકારને કોરોના વાયરસ સામે લડવા માટે સ્થાનીય અને રાષ્ટ્રીય સ્તરે મોટા પગલાં લેવાનો અધિકાર પણ મળશે. ફ્રાન્સે આ પહેલાં કોરોના સામે લડવા માટે માર્ચમાં હેલ્થ ઈમરજન્સીની જાહેરાત કરી હતી. તેના આધારે સરકારે કોરોના સંક્રમણમની વિરુદ્ધ લોકો માટે મોટી પાબંધી લાગૂ કરી હતી. તેમાં લોકોને ઘરની બહાર ન નીકળવાની સલાહ અપાઈ હતી. 10 જુલાઈના રોજ તેને ખતમ કરવામાં આવી હતી.
માનવામાં આવી રહ્યું છે કે સરકાર પેરિસ અને અન્ય કેટલીક જગ્યાઓએ રાતના સમયે કર્ફ્યૂની પણ જાહેરાત કરી શકે છે. જ્યાં કોરોના વાયરસનું સંક્રમણ વધારે જોવા મળી રહ્યું છે. રાષ્ટ્રપતિ ઈમૈનુએલ મૈક્રોએ કહ્યું કે અમારે પગલાં લેવાના છે, આપણે કોરોના વાયરસને વધતો રોકવાની જરૂર છે.