હેલ્થ ટિપ્સ / સવારમાં પીવો આ ડ્રિંક્સ, 30 દિવસમાં દેખાશે અસર, સ્વાસ્થ્ય માટે થશે અનેક ફાયદા

રસોડામાં ઘણા એવા મસાલા હોય છે જે ભોજનનો સ્વાદ વધારે છે સાથે તે આપણા સ્વાસ્થ્યને અનેક રીતે ફાયદો પણ પહોચાડે છે. જીરું પણ તે મસાલાઓમાંનું એક છે. જ્યારે ખોરાકમાં જીરું ઉમેરવામાં આવે ત્યારે  તેનો સ્વાદ બમણો થઈ જાય છે. તેનાથી થતા સ્વાસ્થ્ય લાભો વિશે કદાચ તમને ખબર નહીં હોય તે પાચનક્રિયાને સ્વસ્થ રાખે છે અને વજન ઘટાડવામાં પણ મદદરૂપ થાય છે.

તેનો ફાયદો ત્યારે બમણો થઈ જાય છે જ્યારે જીરા પાણીમાં  લીંબુ અને ચપટી મીઠું ભેળવીને પીવામાં આવે. આ પાણી શરીરને ડિટોક્સિફાઇ કરવામાં, પાચનમાં સુધારો કરવામાં અને વજન ઘટાડવામાં મદદ કરે છે. આજે અમે તમને તેના અનેક ફાયદાઓ વિશે જણાવશું.

• ડાઈઝેશનમાં સુધાર
  જીરુંમાં એન્ટી ઈન્ફ્લેમેટરી અને એન્ટીઑકિસડન્ટ ગુણધર્મો હોય છે, જે પાચનતંત્રને મજબૂત બનાવે છે. જ્યારે તેમાં લીંબુ અને મીઠું ઉમેરવામાં આવે ત્યારે તે એસિડિટી, ગેસ અને અપચો જેવી સમસ્યાઓમાં રાહત આપવાનું કામ કરે છે. આ પીણું દરરોજ પીવાથી ખોરાક યોગ્ય રીતે પચવામાં મદદ મળે છે. તે કબજિયાતની સમસ્યાથી પણ રાહત આપે છે.

• રોગપ્રતિકારક શક્તિ મજબૂત

લીંબુમાં વિટામિન સી સારી માત્રામાં હોય છે. તે રોગપ્રતિકારક શક્તિને મજબૂત બનાવવાનું કામ કરે છે. તેને જીરાના પાણીમાં ભેળવીને પીવામાં આવે છે ત્યારે તે શરીરને શરદી અને ખાંસી જેવા  રોગોથી બચાવવામાં મદદ કરે છે. જો તેમાં એક ચપટી મીઠું ઉમેરવામાં આવે તો તેના ફાયદા બમણા થઈ જાય છે. આ મિશ્રણ શરીર માટે કુદરતી સુરક્ષા કવચ તરીકે કામ કરે છે. જો તમે આ ડ્રિંક દરરોજ પીવો છો તો તમારી એનર્જી હંમેશા અકબંધ રહે છે.

• વજન ઘટાડવામાં મદદરૂપ
  જો તમે ઝડપથી વજન ઘટાડવા માંગતા હોવ તો જીરાના પાણીમાં લીંબુ અને મીઠું નાખીને પીવો. તેને સવારે ખાલી પેટ પીવો. આ ડ્રિંક મેટાબોલિઝમને ઝડપી બનાવવાનું કામ કરે છે. તેનાથી શરીરમાં કેલરી ઝડપથી બર્ન થાય છે. તે શરીરમાંથી ટોક્સિન્સ દૂર કરવામાં મદદ કરે છે. મીઠું શરીરનું ઇલેક્ટ્રોલાઇટ બેલેન્સ જાળવી રાખે છે.

• શરીરને હાઇડ્રેટેડ રાખે
  જીરું પાણી લીંબુ અને મીઠા સાથે પીવાથી શરીરમાં પાણીની ઉણપ નથી થતી. ઉનાળાની ઋતુમાં અમુક વખત ડિહાઇડ્રેશનની સમસ્યા થાય છે. આ સ્થિતિમાં તે એક સારો વિકલ્પ હોઈ શકે છે. કસરત કર્યા બાદ પણ તમે આ ડ્રિંંક પી શકો છો. તેમાં રહેલા ઇલેક્ટ્રોલાઇટ્સ તરત ડ ઉર્જા આપવાનુ કામ કરે છે.

• બ્લડ પ્રેશર કંટ્રોલ
  આ ડ્રિંંક હાઈ બ્લડ પ્રેશરથી પીડાતા લોકો માટે ફાયદાકારક સાબિત થઈ શકે છે. જીરું અને લીંબુ શરીરમાં બ્લડ ફ્લોને સુધારે છે. જ્યારે મીઠું શરીરમાં સોડિયમ બેલેન્સ જાળવી રાખે છે, જેના કારણે બીપી કંટ્રોલમાં રહે છે.

• ત્વચા માટે પણ મહત્વપૂર્ણ
  જો તમે જીરાના પાણીમાં લીંબુ અને મીઠું ભેળવીને પીવો છો તો તમારી ત્વચા ચમકવા લાગશે. તે વાળને પણ મજબૂત બનાવે છે. લીંબુનો રસ ડિટોક્સિફિકેશનમાં મદદ કરે છે સાથે ત્વચાને સ્વચ્છ અને ચમકદાર રાખે છે.

વધુ વાંચો : ગરમીની સિઝનમાં ભૂલથી પણ તડબૂચને લાંબા સમય સુધી ફ્રીજમાં મૂકી ન રાખતા, જાણો કારણ

• ડ્રિંંક બનાવવાની રીત
  એક ગ્લાસ પાણીમાં 1 ચમચી જીરું નાખીને આખી રાત પલાળીને રાખો. સવારે તેને ગાળી લો અને હુંફાળું કરો. તેમાં એક ચપટી સિંધવ મીઠું અને 1 ચમચી લીંબુનો રસ ઉમેરો. તેને સારી રીતે મિક્સ કરો અને ખાલી પેટ પીવો.

(Disclaimer: આરોગ્ય અને સુખાકારી હેઠળ પ્રકાશિત સામગ્રી સામાન્ય જાણકારી ઉપલબ્ધ કરાવે છે. અહીં પ્રકાશિત લેખ તબીબ, વૈદ્ય, નિષ્ણાત અને રિસર્ચ આધારિત નિષ્કર્ષ પર છે. તમામ નિર્દેશોનું પાલન કરી વાંચકોની જાગૃતિ વધારવાના હેતુથી આ સામગ્રી તૈયાર કરાઈ છે. આ લેખ કોઈ પણ રીતે યોગ્ય ઉપચારનો વિકલ્પ નથી, વધુ જાણકારી માટે હંમેશા નિષ્ણાત કે આપના ચિકિત્સકની સલાહ લેવી. vtvgujarati.com આ જાણકારી માટે જવાબદારીનો દાવો કરતું નથી.)

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ