જામનગર: શહેરમાં આરોગ્ય વિભાગ દ્વારા દરોડા પાડવામાં આવ્યા છે. રાજ્યવ્યાપી દૂધ ઉત્પાદક અને વેચાણ પેઢી પર આરોગ્ય વિભાગ ત્રાટક્યું છે. સેક્શન રોડ પર આવેલી માહી ડેરી પર આરોગ્ય વિભાગે દરોડા પાડીને દૂધના નમૂના લીધા છે.
સંપૂર્ણ આહાર દુધમાં મિલાવટ અને જન આરોગ્ય સાથે ચેડાની ફરિયાદોને લઈને જામનગર સહિત રાજ્ય ભરમાં તંત્ર દ્વારા જુદાજુદા શહેરોમાં દરોડા પાડવામાં આવ્યા હતા. જામનગરમાં ફૂડ શાખા દ્વારા ખ્યાતનામ ડેરીઓ સહીત દૂધ વિક્રેતાઓને ત્યાં આ કાર્યવાહી કરી નમુના લેવામાં આવ્યા છે. જેના પૃથકરણ બાદ મિલાવત છે કે કેમ ? તે સામે આવશે.
જન આરોગ્ય સાથે સીધો સંબંધ ધરાવતા દૂધના બજારમાં થતા વેચાણની ગુણવતા ચકાસવા. આજ સવારથી જ રાજય ભરમાં આરોગ્ય અને ફૂડ સાખા દ્વારા દરોડા પાડવામાં આવ્યા હતા. જામનગરમાં શરુ સેક્સન રોડ પર આવેલ માહી ડેરી પર તંત્ર દ્વરા ચેકિંગ કાર્યવાહી કરવામાં આવી હતી.
દૂધ પર કરવામાં આવતી જુદી જુદી પ્રક્રિયા અને ગુણવતા સંબંધિત ચકાસણી કરવામાં આવી હતી. ડેરી દ્વારા બજારમાં વેચાણમાં મુકવામાં આવેલ એક પેકેટ તથા ડેરી પરના દુધના નમુના લેવામાં આવ્યા હતા. આ કાર્યવાહી બાદ શહેરની અન્ય નાની મોટી ડેરીઓ અને છૂટક વિક્રેતાઓને ત્યાં ફૂડ એન્ડ ડ્રગ સાખા દ્વારા કામગીરી કરવામાં આવી હતી.
તમામ સ્થળોએથી તંત્ર દ્વારા દુધના નમુનાઓ લેવામાં આવ્યા છે. આ નમૂનાઓની ગુણવતા સચોટ રીતે ચકાસવા લેબોરેટરીમાં મોકલી આપવામાં આવ્યા છે. તંત્રની કામગીરીને લઈને દુધની ડેરીઓ અને વિક્રેતાઓમાં ફફડાટ ફેલાઈ ગયો હતો.