રાજ્યમાં કથળતી આરોગ્યની સ્થિતિ અને છોકરાઓની સંખ્યા સામે છોકરીઓની સંખ્યામાં ઘટાડાને લઇને આરોગ્ય વિભાગની મહત્વની બેઠક યોજાઇ હતી. નીતિ આયોગ દ્વારા રિપોર્ટ જાહેર કરવામાં આવ્યો હતો. નીતિ આયોગના રિપોર્ટ બાદ ગાંધીનગર હેલ્થ વિભાગમાં બેઠકનો દોર શરૂ થયો છે.
નીતિ આયોગના રિપોર્ટમાં રાજ્યમાં આરોગ્યની સ્થિતિ કથળી હોવાનો ઉલ્લેખ કરવામાં આવ્યો છે. જેને લઈને ગાંધીનગર ગીફ્ટ સીટી ખાતે આરોગ્ય વિભાગની મહત્વની બેઠકનું આયોજન કરાયુ હતું. રાજ્યમાં આરોગ્યની સ્થિતિ સુધારવા માટે CS જે.એન.સિંહની અધ્યક્ષતામાં બેઠક યોજાઈ હતી. ત્યારે આ બેઠકમાં તમામ જિલ્લા વિકાસ અધિકારીઓ અને જિલ્લા આરોગ્ય અધિકારીઓ હાજર રહ્યા હતા. તો આ બેઠકમાં તમામ જિલ્લાના કન્યા જન્મદરનું રીવ્યુ લેવાયું હતુ. તેમજ જિલ્લાવાર કુપોષણ આંકડાકીય માહિતી પર પણ ચર્ચા કરવામાં આવી હતી.
આરોગ્ય ક્ષેત્રે ગુજરાતને બનાવવું છે નંબર વનઃ CS જે.એન.સિંહ
બેઠકમાં CS જે.એન.સિંહે કહ્યું હતું કે, એક પણ જિલ્લો આરોગ્ય બજેટની સમસ્યાથી પીડિતો નથી. આગામી બજેટમાં આરોગ્ય ક્ષેત્રના બજેટમાં વધારો કરાશે. ગુજરાતને આરોગ્ય ક્ષેત્રે નંબર એક પર પહોંચાડવાનું છે.
અંધશ્રદ્ધા જ્યા છે ત્યા કેમ્પેઇન ચલાવાશેઃ જયંતિ રવિ
ગિફ્ટ સીટી ખાતે આરોગ્ય વિભાગની મહત્વની બેઠક યોજાઈ હતી. જેમાં જયંતિ રવિએ જણાવ્યું કે, હેલ્થને લઈને સમગ્ર રાજ્યમાંથી આંકડાકિય વિગતો મેળવાશે. અંધશ્રદ્ધા જ્યા છે ત્યા કેમ્પેઈન ચલાવાશે. 15 હજાર જેટલા હેલ્થ કર્મચારીઓ અલગ-અલગ માધ્યમથી લોક જાગૃતિ ફેલાવશે. ધાર્મિક લીડરોને કેમ્પેીનમાં સામેલ કરાશે. તમામ જિલ્લા DDO, હેલ્થ વિભાગના અધિકારીઓને બેઠકમાં હાજર રહ્યા હતા.
ગુજરાત માટે ચિંતાજનક રિપોર્ટઃ છોકરાઓ સામે છોકરીઓની સંખ્યા ઘટી
દિકરીઓને બચાવવા માટે અને દિકરીઓની સંખ્યામાં વધારો થાય તે માટે બેટી બચાઓ બેટી પઢાઓ જેવી અનેક જાહેરાતો ચલાવીએ છીએ. લોકોને માહિતગાર કરીએ છીએ. તેમ છતાં ગુજરાતમાં છોકરીઓની સંખ્યામાં સતત ઘટાડો થતો જઈ રહ્યો છે. તાજેતરમાં જ નીતિ આયોગનો હેલ્ધી સ્ટેટ પ્રોગ્રેસિવ રિપોર્ટ આવ્યો છે. જેમાં ગુજરાતને લઈને ચિંતાજનક રિપોર્ટ છે. આ રિપોર્ટ પ્રમાણે, રાજ્યમાં પ્રતિ હજાર છોકરાઓ સામે 848 છોકરીઓ હોવાનું સામે આવ્યું છે. એટલે કે, 2016થી 2018 સુધીમાં છોકરીઓની સંખ્યામાં 8નો ઘટાડો નોંધાયો છે. એટલું જ નહીં પરંતુ છોકરીઓની સંખ્યામાં ઘટાડો નોંધાતા જ ગુજરાત દેશમાં છઠ્ઠા નંબરે પહોંચી ગયું છે.