બજારમાં ચોખા, સૂર્યમુખી, સીંગતેલ સહિત અનેક પ્રકારના તેલ મળે છે. પરંતુ સ્વાસ્થ્યને ધ્યાને રાખીને તેલ કેવુ ખાવુ જોઇએ તેની પર પસંદગી કરવી જરુરી છે
ઓલિવ ઓઇલનો ભોજનમાં કરો ઉપયોગ
હૃદય રોગો સામે આપશે રક્ષણ
હાર્ટએટેકનો ખતરો ટળી જાય છે
હાલમાં હાર્ટએટેકની સમસ્યામાં વધારો જોવા મળી રહ્યો છે. સાજો સારો માણસ હાર્ટ એટેકને કારણે મોતને ભેટે છે. હાર્ટ એટેક આવવાનું કારણ તમારી ખરાબ જીવનશૈલી પણ જવાબદાર છે. તેમાં પણ ખાસ ડાયટનું ધ્યાન રાખવુ જરુરી છે. હાલમાં ફાસ્ટફૂડ અને સ્પાઇસી અને ઓઇલી ખોરાક વધી ગયો છે. ત્યારે હાર્ટનું ધ્યાન રાખવા માટે તમારે ઓછુ તળેલુ અને સાત્વિક ખાવુ જરુરી છે. ત્યારે આવામાં સવાલ એ પણ થાય કે બજારમાં તો ઘણા તેલ મળે છે તેમાંથી હાર્ટ માટે ક્યુ સારુ. ત્યારે આવો જાણીએ હાર્ટ એટેકનું જોખમ ટાળવા ક્યુ તેલ ખાવુ જોઇએ,
ઓલિવ ઓઇલ છે ગુણકારી
ઓલિવ ઓઈલ સ્વાસ્થ્ય માટે ખૂબ જ ઉપયોગી છે. આ તેલ હૃદયને સુરક્ષિત રાખવા માટે પણ ખૂબ જ ફાયદાકારક છે. આ તેલના સેવનથી હાર્ટ એટેકનો ખતરો પણ ઓછો થઈ જાય છે. જો તમે આ તેલનું સેવન નથી કરતા તો આજે જ તેને તમારા આહારમાં સામેલ કરો. આના કારણે તમારા શરીરમાં કોલેસ્ટ્રોલ કંટ્રોલમાં રહેશે, સ્વાભાવિક છે કે કોલેસ્ટ્રોલને સંતુલિત રાખવાથી હાર્ટએટેકની શક્યતાઓ પણ ઘટી જાય છે. આવો જાણીએ આ સિવાય ઓલિવ ઓઈલના શું ફાયદા છે.
હૃદયને મજબૂત કરે છે
તમને જણાવી દઈએ કે ઓલિવ ઓઈલમાં અનસેચ્યુરેટેડ ફેટી એસિડ અને પોલિફીનોલ કમ્પાઉન્ડ હોય છે, જે હૃદયને ઘણી સમસ્યાઓ સામે લડવામાં મદદ કરે છે. દરરોજ લગભગ અડધી ચમચી ઓલિવ તેલનું સેવન કરવાથી કાર્ડિયોવેસ્ક્યુલર રોગો અને કોરોનરી હ્રદય રોગના જોખમને ઘટાડી શકાય છે.
ઓલિવ ઓઇલના ફાયદા
આ તેલમાં ઓમેગા-3 ફેટી એસિડ જોવા મળે છે જે બળતરા ઘટાડવા અને કોલેસ્ટ્રોલ સુધારવામાં મદદરૂપ છે
વેસ્ક્યુલર ફંક્શન અને હાર્ટ હેલ્થ તેમજ કાર્યક્ષમતામાં સુધારો કરે છે.
આ તેલમાં પોલીફેનોલ્સની વધુ માત્રા હોય છે, જે લિપિડ પ્રોફાઈલને વધુ સારી બનાવવામાં અને બળતરા ઘટાડવામાં મદદ કરે છે.
ઓલિવ ઓઈલમાં જોવા મળતા પોલિફીનોલ્સ હાર્ટ એટેક અને સ્ટ્રોકનું જોખમ ઘટાડે છે.
આ સિવાય હાઈ બ્લડ પ્રેશરમાં પણ આ તેલ ખૂબ જ ફાયદાકારક છે.
તેની અંદર રહેલા પોલિફીનોલ્સ અને મોનોસેચ્યુરેટેડ ફેટી એસિડ બ્લડ પ્રેશરને નિયંત્રિત કરે છે.
તમારે આ તેલથી ખોરાક રાંધવો જોઈએ. તે વજન ઘટાડવામાં પણ મદદ કરે છે.
ઓલિવ ઓઈલ ત્વચા માટે ખૂબ જ ફાયદાકારક માનવામાં આવે છે. કારણ કે ઓલિવ ઓઈલમાં એન્ટીઓક્સીડેન્ટની સાથે વિટામિન ઈ પણ જોવા મળે છે.
આ તેલ વાળ માટે પણ ખૂબ જ ફાયદાકારક છે. તેને વાળમાં લગાવવાથી વાળ ઘટ્ટ અને મજબૂત બને છે.