સાકરનો ઉપયોગ ખૂબ સીમિત રહી ગયો છે. તમે પ્રસાદ તરીકે તો સાકર લીધી જ હશે.
દૂધમાં સાકર ભેળવીને પીવુ જોઇએ
હિમોગ્લોબીન વધારે છે દૂધ
પાચનશક્તિ પણ વધારે છે દૂધ અને સાકર
હોટલમાં જમ્યા પછી પાચન માટે સાકર અને વરિયાળી આપવામાં આવે છે. સાકર આરોગ્ય માટે લાભદાયક છે. સાકર સાથે દૂધ પીવાથી આરોગ્યને અનેક ફાયદા થાય છે.
આંખોનું તેજ વધે છે
સાકર સાથે દૂધ પીવાથી આંખો સ્વસ્થ રહે છે. આંખોની દૃષ્ટિ અને તેજ વધે છે. દરરોજ સૂતાં પહેલાં એક ગ્લાસ નવશેકા દૂધમાં થોડી સાકર ભેળવી પીવું જોઈએ.
પાચન માટે
દૂધમાં સાકર નાખી તે પીવાથી પાચન ઝડપથી થાય છે. અપચો-કબજિયાત અને એસિડિટી જેવી સમસ્યાઓથી છુટકારો મળે છે. આ માટે રોજ એક ગ્લાસ ઠંડા દૂધમાં સાકરનું મિશ્રણ કરીને પી શકાય છે.
યાદશક્તિ તેજ બનાવે છે
માનસિક થાક દૂર કરી યાદશક્તિ તેજ બનાવે છે. રોજ રાતે સૂતાં પહેલાં એક ગ્લાસ દૂધમાં સાકર ભેળવી પી લો.
હિમોગ્લોબિન વધારે છે
દરરોજ સાકરથી ભરપૂર દૂધનું સેવન એનીમિયાની સમસ્યાથી રાહત આપે છે. શરીરમાં હિમોગ્લોબિનનું પ્રમાણ વધારવા માટે સૂતાં પહેલાં રાતે એક ગ્લાસ ગરમ દૂધમાં સાકર ભેળવીને પી જાઓ.
ઊંઘ સારી આવે છે
જે લોકોને ઊંઘમાં વારંવાર ખલેલ પડતી હોય, ઊંઘ ન આવતી હોય અથવા ઊડી જતી હોય તેઓ સાકર સાથે દૂધ પીએ તો રાતે ગાઢ ઊંઘ આવે છે.
અલ્સરમાં રાહત
સાકર ભેળવી દૂધ પીવાથી મોંનાં ચાંદાં દૂર થાય છે. આ માટે તમે ઠંડા દૂધમાં સાકર ભેળવી શકો છો અને કોઈ પણ સમયે તેનું સેવન કરી શકો છો.
શક્તિ આપે છે
સાકરથી શારીરિક થાક દૂર થાય છે અને શક્તિ વધે છે. સાકરની તાસીર ઠંડી હોય છે. તેથી તેનું સેવન કરવાથી શરીરમાં તાજગી આવે છે. તમે ઠંડા અથવા ગરમ દૂધમાં સાકર ભેળવી તે પી શકો છો.
નાકમાંથી લોહી નીકળતું રોકવા
નાકમાંથી લોહી નીકળવાની સમસ્યામાં રાહત માટે સાકર ઉમેરેલું દૂધ દરરોજ સવારે પીઓ. નાસ્તા સાથે લો.•