ડેંગ્યૂનો રોગ માદા એડીઝ મચ્છર કરડવાથી ફેલાય છે અને આ રોગના કારણે ભારે તાવ માથાનો દુખાવો શરીર તૂટવું ઊલટી અને ચામડી પર લાલ દાણા જોવા મળે છે અને આ રોગથી ઘણી વખત વ્યક્તિ મૃત્યુ પણ પામે છે. ડેંગ્યૂના આ રોગથી બચવા માટે તમને એક ખાસ ફળ મદદરૂપ સાબિત થઇ શકે છે.સાથે જ આ ફળના આહારથી તમે હંમેશાં યુવાન પણ દેખાશો. ડેંગ્યૂના રોગથી રાહત અપાવનાર આ ફળનું નામ કિવિ છે. આ ફળમાં ઘણાં પ્રકારના વિટામિન્સ અને પોષકતત્વો જોવા મળે છે અને ડેંગ્યૂ જેવા જીવલેણ રોગ સામે શરીરને લડવાની શક્તિ મળે છે.
ડેંગ્યૂના કારણે શરીરમાં બ્લડ પ્લેટિલેટ્સ સતત ઘટવા લાગે છે અને તેને ઠીક કરવામાં અને વધારવામાં કિવિ નામનું ફળ ખૂબ જ લાભદાયી છે. આ સિવાય કિવિ ખાવાથી શરીરને તાકાત મળે છે અને ડેંગ્યૂના રોગમાંથી જલ્દી બહાર આવી શકાય છે. ડોક્ટર્સ પણ દર્દીએને કિવિ ખાવાની સલાહ આપે છે.
કિવિમાં અનેક પ્રકારના વિટામિન્સ અને પોષકતત્ત્વો રહેલા છે અને તેને ખાવાથી શરીરની સ્કિન પણ લાંબા સમય સુધી યુવાન અને મસ્ત રહે છે. એક કપ કિવિમાંથી 164 મિલીગ્રામ વિટામિનમળે છે કે જેની માત્રા એક સંતરા કરતા પણ વધુ છે.
કિવિ ખાવાના કારણે લોહીમાં ગ્લૂકોઝ વધતું નથી અને તેના કારણે ડાયાબિટીઝ હાર્ટ સંબંધિત બીમારીઓ અને શરીર ઉતારવામાં મદદ મળે છે. આ સિવાય કિવિ ફળમાં કેળા જેટલી માત્રામાં જ પોટેશિયમ પણ જોવા મળે છે. કિવિથી હાડકા અને માંસપેશિયો પણ મજબૂત થાય છે.