કિડની બીન્સ જે સામાન્ય રીતે રાજમા તરીકે ઓળખાય છે. રાજમાનું સેવન અનેક રીત ગુણકારી છે. રાજમામાં ડાયટરી ફાયબર, સ્ટાર્ચ, ફેનોલિક એસિડ્સ હોય છે. સાથે જ તેમાંથી સારી માત્રામાં આયર્ન, મેગનીઝ, ફોલેટ, ફોસ્ફરસ, પોટેશિયમ અને મેગ્નેશિયમ પણ મળી રહે છે.
રોજની ડાયટમાં ખાઓ રાજમા
કેન્સર જેવા ગંભીર રોગોથી બચાવશે
પાચનતંત્રના રોગો રહેશે દૂર
રાજમાના અદભુત ફાયદાઓ
રાજમામાં એન્ટીઓક્સીડેન્ટ પણ સારી માત્રામાં હોય છે જે ઈમ્યૂન સિસ્ટમને હેલ્ધી રાખવામાં મદદ કરે છે. રાજમા સ્વાદિષ્ટ શાકની સાથે તંદુરસ્તીનો ખજાનો છે. હાર્ટ અને મગજને તંદુરસ્ત રાખવુ હોય તો સપ્તાહમાં એક કે બેવાર રાજમાનુ સેવન કરવું જોઈએ. રોજ એક મુઠ્ઠી રાજમા ડાયટમાં ખાવામાં આવે તો વજન પણ ધીરે ધીરે ઘટે છે.
રાજમાં ખાવાથી તમારી કિડની સંબંધિત સમસ્યાથી છુટકારો મળે છે અને જો કોઇને કિડનીમાં પથરી થાય છે તો તેના માટે પણ રાજમા ખાવા ખૂબ ફાયદાકારક સાબિત થાય છે
રાજમામાં ઓછી માત્રામાં ગ્લાઇસેમિક ઇન્ડેક્સ હોય છે. જો ડાયાબિટીસના દર્દી રાજમા ખાય તો તેમનું બ્લડ ગ્લુકોઝ લેવલ નથી વધતું. રાજમાનાં પ્રોટીન અને ફાઇબરની પૂરતી માત્રા હોવાથી શરીરમાં શુગરના પ્રમાણને કંટ્રોલમાં રાખે છે. જે ડાયાબીટીસના દર્દીને ખૂબ લાભકારક રહે છે.
રાજમામાં સારી માત્રામાં એન્ટીઓક્સીડેન્ટ હોય છે. જેથી તે બોડીમાં કેન્સર સેલ્સને વધતાં રોકે છે. સાથે જ આ પાચનતંત્રના કેન્સરને પણ રોકવામાં મદદ કરે છે.
રાજમામાં સારી માત્રામાં ફાઈબર હોય છે. જેનાથી પેટ જલદી ભરેલું હોય એમ અનુભવાય છે. આ સાથે પેટ લાંબા સમય સુધી ભરેલું હોય એમ લાગે છે. જેથી ઓવરઈટિંગ થતું નથી.
રાજમામાં કેલ્શિયમ અને મેગ્નેશિયલ હોય છે. જેથી તેને ખાવાથી હાડકાઓ મજબૂત રહે છે. સાથે જ રાજમા હાડકા સંબંધી રોગો થવાનો ખતરો પણ ઘટાડે છે.
બાળકો માટે પણ રાજમા લાભદાયી છે. બાળકોના ગ્રોથ અને ડેવલપમેન્ટમાં મદદ કરે ચે. સાથે જ તેમાં રહેલું કેલ્શિયલ અને પોટેશિયલ બાળકોના હાડકાં મજબૂત બનાવે છે.
જો તમે બોડી બનાવવા માંગો છો તો રોજની ડાયટમાં રાજમા લેવાનું શરૂ કરી દો. તેમાં કાર્બ્સ હોય છે જે બોડીમાં એનર્જી જાળવી રાખે છે. જેથી કસરત કરતી વખતે થાક લાગતો નથી.