ફાયદાકારક / શિયાળામાં રોજ આદુ નાંખેલી ચા પીશો તો શરીર પર થશે આવી ગજબ અસર

• શિયાળામાં આદુનો ઉપયોગ કરવાનું ભૂલતા નહીં
• આદુવાળી ચા પીવાના છે ગજબ ફાયદા
• શિયાળામાં રોગોને દૂર રાખશે

શરદી-ખાંસી

શિયાળામાં મોટાભાગના લોકોને શરદી, ખાંસી કે કફની સમસ્યા થાય છે. જેનાથી બચવા માટે દવાઓ ખાવાની જરૂર નથી. બસ રોજ એક કપ આદુવાળી ચા પીવાનું શરૂ કરી દો. આદુથી શરીરને ગરમાવો પણ મળે છે. 

વાત,પિત્ત અને કફનો દોષ દૂર થાય છે

આદુમાં ભરપૂર માત્રામાં એન્ટીઓક્સિડેન્ટ હોય છે જે શરીરને સ્વસ્થ રાખે છે. આદુ શ્વાસ સંબંધી સમસ્યાને દૂર કરે છે એટલુ જ નહી પણ શરીરના તમામ અંગોને આદુવાળી ચા પીવાથી કોઈને કોઈ ફાયદા મળે છે. આદુવાળી ચા પીવાથી શરીરમાંથી વાત,પિત્ત અને કફ જેવા દોષ દૂર થઈ જાય છે.

પાચનની બેસ્ટ દવા

આદુ પાચન શક્તિને મજબૂત બનાવે છે અને જો તમારી પાચન ક્રિયા નબળી હોય તો ખાવાનુ યોગ્ય રીતે પચતું નથી. જેના કારણે કબજિયાતની સમસ્યા થાય છે તો આદુ રામબાણનું કામ કરે છે. આદુ પેટમાં વાયુને દૂર કરે છે અને અપચો દૂર કરે છે. જેથી શિયાળામાં અચૂક એક કપ આદુવાળી ચા પી લેવી જોઈએ. 

બ્લડ સર્કુલેશનને 

આદુવાળી ચામાં જોવા મળતા વિટામિન, મિનરલ્સ અને અમીનો એસિડ બ્લડ સર્ક્યુલેશનને સારું બનાવવામાં મદદ કરે છે, જેનાથી કાર્ડિયોવેસ્કુલર સમસ્યાની સંભાવના ઓછી થઇ જાય છે.  

વધતી ઉંમરને રોકે છે

આદુમાં એન્ટીઓક્સિડેન્ટ ભરપુર માત્રામાં હોય છે જે એન્ટી એજિંગ રોકે છે અને તમારી ત્વચા પર થતી કરચલીઓ પણ દૂર કરે છે. રોજ આદુવાળી ચા પી લેવાથી સ્કિનની સમસ્યા પણ દૂર રહે છે.