સોયાબીન ખાવાનું આમ તો બધાં માટે ખુબ જ પૌષ્ટિક છે, પરંતુ ખાસ કરીને મહિલાઓ માટે તેને ખાવાનું કોઇ વરદાન કરતા ઓછુ નથી. સોયાબીન અને તેમાંથી બનેલી વાનગીઓમાં ભરપુર માત્રામાં પ્રોટીન અને એવા ઘણાં પોષકતત્વો હોય છે જે માત્ર આરોગ્ય નહી, પરંતુ સૌંદર્ય માટે પણ મહિલાઓ માટે ફાયદાકારક છે.
મહિલાઓ માટે સુપરફૂડ સમાન છે આ 1 વસ્તુ
પોષકતત્વોથી ભરપૂર છે આ ફૂડ
હાડકાંને તંદુરસ્ત રાખવામાં મદદ કરે છે આ ફૂડ
સોયાબીનમાં પ્રોટીન, કેલ્શિયમ, ફાઇબર, વિટામીન ઇ, બી કોમ્પલેક્સ, થાઇમીન, રાઇબોફ્લેવિન એમીનો અમ્લ, સેપોનિન, સાઇટોસ્ટેરોલ, ફેનોલિક એસિડ અને અન્ય કેટલાય પોષકતત્વો હોય છે જે ફાયદાકારક હોય છે.
તેમાં ભરપુર માત્રામાં આયર્ન હોય છે. તે ખાસ કરીને મહિલાઓ માટે ખુબ જ ફાયદાકારક છે. તે એનિમિયા અને ઓસ્ટિયોપોરોસિસ જેવી બિમારીઓથી બચાવવામાં પણ લાભપ્રદ છે. શરીરમાં નબળાઈ હોય તો તે ખુબ જ અસરદાર ઉપાય છે.
સોયાબીન હાડકાંની હેલ્થ માટે પણ ખુબ લાભદાયક છે. તે હાડકાને પોષણ આપે છે, જે કારણે હાડકા નબળા પડતા નથી અને હાડકા તુટવાનો ખતરો પણ ઓછો થાય છે. તેનુ સેવન હાડકાની સઘનતા વધારવામાં સહાયક છે.
બ્લડ પ્રેશરની સમસ્યા હોય તો સોયોબીન ખાવુ સારુ રહેશે. ખાસ કરીને બ્લડપ્રેશર વધવાની સ્થિતિમાં તેનુ સેવન બ્લડપ્રેશરને નિયંત્રિત કરીને તેને વધતા રોકે છે.
ડાયાબિટીસના રોગીઓ માટે પણ તે કમાલની અસર કરે છે અને લોહીમા શર્કરાની માત્રાને નિયંત્રિત કરીને તેને વધતા રોકે છે. આ રીતે તમારો ડાયાબિટીસ નિયંત્રણમાં રહે છે.
સોયાબીન માનસિક સંતુલન ઠીક કરવામાં પણ મદદગાર સાબિત થાય છે. દિલની બિમારીઓને દુર કરવા માટે સોયાબીનનો ઉપયોગ કરવો સારી બાબત છે. ડોક્ટર હાર્ટના પેશન્ટને પણ સોયાબીન ખાવાની સલાહ આપે છે.